Жамият давлат тилидаги ва бир вақтда жамиятнинг ихтиёрига кўра бошқа тиллардаги тўлиқ фирма номига эга бўлиши мумкин ва қисқартирилган фирма номига эга бўлишга ҳақлидир.
Жамиятнинг тўлиқ фирма номи «масъулияти чекланган жамият» деган сўзларни ўз ичига олиши керак. Жамиятнинг қисқартирилган фирма номи унинг тўлиқ ёки қисқартирилган номини ҳамда «масъулияти чекланган жамият» деган сўзларни ёки «MChJ» қисқартмасини ўз ичига олиши керак.
Жамиятнинг фирма номи унинг ташкилий-ҳуқуқий шаклини акс эттирувчи, шу жумладан чет тиллардан ўзлаштирилган бошқа атамалар ва қисқартмаларни, агар қонун ҳужжатларида бошқача қоида назарда тутилмаган бўлса, ўз ичига олиши мумкин эмас.
Чет элликлар иштирокида ташкил этилаётган жамиятнинг фирма номига унинг муассислари қайси давлатга мансублигини кўрсатувчи қайд киритилиши мумкин.
Жамиятнинг жойлашган ери, агар қонунга мувофиқ жамиятнинг таъсис ҳужжатларида бошқача тартиб белгиланмаган бўлса, у давлат рўйхатидан ўтказилган жойга кўра белгиланади. Жамиятнинг таъсис ҳужжатларида унинг бошқарув органлари доимий жойлашган ер ёки унинг асосий фаолияти юритиладиган жой жамиятнинг жойлашган ери деб белгиланиши мумкин.
Жамият ўзи билан алоқа амалга ошириладиган почта манзилига эга бўлиши керак ва юридик шахсларни давлат рўйхатидан ўтказувчи органни ўзининг почта манзили ўзгарганлиги тўғрисида хабардор қилиши шарт.
lex.uz’dagi asl matn«Масъулияти чекланган жамиятлар тўғрисида»ги қонун
5-modda. Жамиятнинг фирма номи ва жойлашган манзили
Oddiy tilda
МАСЪУЛИЯТИ ЧЕКЛАНГАН ЖАМИЯТНИНГ НОМИ ВА МАНЗИЛИ
Нимани англадади
Жамият ўзининг расмий номи ва жойлашган манзилини қонун талабига мувофиқ белгилаши керак. Номида "масъулияти чекланган жамият" ёки "МЧЖ" сўзлари бўлиши шарт. Жамиятнинг манзили давлат рўйхатидан ўтказилган жой ёки таъсис ҳужжатида кўрсатилган бошқарув органи жойи бўлади.
Кимга тегишли
Бу қоида барча масъулияти чекланган жамиятларга қўлланилади.
Аmalда
Ўзбекистонда "Қўлай Сотув" МЧЖ ташкил этилди. Унинг тўлиқ номи "Қўлай Сотув масъулияти чекланган жамият", манзили Ташкент шахри, Мирзо Улуғбек кўчаси, 45-уй. Жамият почта манзилини ўзгартирса, давлат рўйхатидан ўтказувчи органга хабар бериши керак.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.