Ruxsat berish tartib-taomillari sohasidagi vakolatli organlar:
talabgorlarning ruxsat etish xususiyatiga ega hujjatni berish, uning amal qilish muddatini uzaytirish, amal qilishini to'xtatib turish, qayta tiklash, uni qayta rasmiylashtirish va bekor qilish to'g'risidagi murojaatlarini qabul qiladi hamda ko'rib chiqadi;
ushbu Qonun talablariga va ruxsat berish tartib-taomillaridan o'tish tartibi to'g'risidagi nizomlarga muvofiq belgilangan muddatlarda ruxsat etish xususiyatiga ega hujjatni beradi yoki uni berishni asosli ravishda rad etadi;
ruxsat etish xususiyatiga ega hujjatlarning reyestrini yuritadi;
ruxsat berish tartib-taomillari masalalari yuzasidan talabgorlarning og'zaki yoki yozma, shu jumladan elektron hujjat tarzida yuborilgan so'roviga ko'ra bepul asosda to'liq axborot va malakali maslahatlar (tushuntirishlar) beradi;
talabgorlar ruxsat berish tartib-taomillaridan o'tish tartibi bilan moneliksiz tanishib chiqishi va ruxsat etish xususiyatiga ega hujjatlarni olish uchun zarur bo'lgan hujjatlar moneliksiz taqdim etilishi uchun shart-sharoitlar yaratadi;
ruxsat etish xususiyatiga ega hujjatlarni elektron shaklda beradi;
ushbu Qonunning 32 va 33-moddalarida nazarda tutilgan hollarda ruxsat etish xususiyatiga ega hujjatlarning amal qilishini to'xtatib turish yoki ularni bekor qilish to'g'risida qarorlar qabul qiladi va (yoki) ushbu masalalarni sud tartibida ko'rib chiqish tashabbusi bilan chiqadi.
Ruxsat berish tartib-taomillari sohasidagi vakolatli organlar qonunga, shuningdek ruxsat berish tartib-taomillaridan o'tish tartibi to'g'risidagi nizomlarga va ularning pasportlariga muvofiq boshqa vakolatlarni ham amalga oshirishi mumkin.
lex.uz’dagi asl matn«Litsenziyalash, ruxsat berish va xabardor qilish tartib-taomillari to'g'risida»gi qonun
20-modda. Ruxsat berish tartib-taomillari sohasidagi vakolatli organlar
Oddiy tilda
**Nimani anglatadi**
Vakolatli organlar — bu davlat idoralari bo'lib, ular odamlar va korxonalarga ruxsat berish hujjatlari (litsenziya, ruxsat) beradi. Ular bu hujjatlarni berish, uzaytirish, bekor qilish va boshqa ishlarni bajaradi. Vakolatli organlar odamlarga bepul maslahat beradi va hujjatlarni elektron shaklda taqdim etadi.
**Kimga tegishli**
Bu vakolatli organlarning vazifasi — ruxsat berish jarayonini to'g'ri va shaffof olib borish.
**Amalda**
Agar siz do'konni ochmoqchi bo'lsangiz, vakolatli organ sizga ruxsat hujjatini beradi. Agar ruxsat muddati tugasa, siz unga murojaat qilib uzaytirish so'rashingiz mumkin. Vakolatli organ sizga bepul maslahat beradi va hujjatni elektron shaklda yuboradi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.