Naf keltirmasligi ayon bo'lgan bitimni tuzish, shu jumladan O'zbekiston Respublikasi hududiga ilgari foydalanilgan, jisman ishlatib bo'lingan, ma'naviy eskirgan yoki zamon talablariga javob bermaydigan asbob-uskunani yoxud texnologiyalarni olib kirishga, shuningdek ularni o'rnatish va joriy etishga olib kelgan bitimni tuzish, respublika manfaatlariga ko'p miqdorda zarar yetkazgan bo'lsa, xuddi shuningdek bunday bitim tuzilishiga sabab bo'lgan ekspert xulosasini yoki boshqa hujjatni vakolatli davlat organining yoki boshqa tashkilotning mansabdor shaxsi tomonidan berish —
bazaviy hisoblash miqdorining uch yuz baravaridan besh yuz baravarigacha miqdorda jarima yoki muayyan huquqdan mahrum etilgan holda uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.
O'sha harakat:
a) takroran;
b) bir guruh shaxslar tomonidan oldindan til biriktirib sodir etilgan bo'lsa, —
besh yildan sakkiz yilgacha ozodlikdan mahrum qilish bilan jazolanadi.
O'sha harakat:
a) juda ko'p miqdorda zarar yetkazgan holda;
b) uyushgan guruh tomonidan yoki uning manfaatlarini ko'zlab sodir etilgan bo'lsa, —
sakkiz yildan o'n ikki yilgacha ozodlikdan mahrum qilish bilan jazolanadi.
Yetkazilgan moddiy zarar uch karra miqdorida qoplangan taqdirda shaxs jazodan ozod etiladi.
lex.uz’dagi asl matn175-modda. O'zbekiston Respublikasining manfaatlariga xilof ravishda bitimlar tuzish
(175-модда биринчи қисмининг санкцияси Ўзбекистон Республикасининг 2019 йил 3 декабрдаги ЎРҚ-586-сонли Қонуни таҳририда — Қонун ҳужжатлари маълумотлари миллий базаси, 04.12.2019 й., 03/19/586/4106-сон)
Oddiy tilda
**Nimani anglatadi**
Bu modda O'zbekiston davlatiga zarar yetkazadigan noto'g'ri shartnomalarni tuzishni jinoyat deb belgilaydi. Masalan, eski, ishlatilgan yoki zamonaviy bo'lmagan mashinalar, qurilish materiallari yoki texnologiyalarni import qilish orqali davlat pulini behuda sarflash. Shuningdek, ekspertlar yoki davlat xodimlari yolg'on hujjat berish ham bu jinoyatga kiradi.
**Kimga tegishli**
Bu qonun O'zbekiston Respublikasining barcha fuqarolariga va shaxslariga tegishli.
**Amalda**
Agar bir shaxs yoki kompaniya O'zbekiston bilan shartnoma tuzib, sifatsiz yoki eski texnologiyalarni juda qimmat narxda sotsa va davlatga milyonlab so'mlik zarar yetkazsa, u 3 yildan 5 yilgacha qamoqqa olinishi mumkin. Agar bu harakat bir necha kishi birgalikda qilsa, jazo 5 yildan 8 yilgacha ko'payadi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.