46-modda. Auktsion o'tkazilishi to'g'risidagi xabarnomaning mazmuni

Auktsion o'tkazilishi to'g'risidagi xabarnomada quyidagi ma'lumotlar ko'rsatilishi kerak: ipotekaga qo'yuvchining familiyasi, ismi, otasining ismi (nomi) va yashash joyi (joylashgan yeri); ipotekaga oluvchining familiyasi, ismi, otasining ismi (nomi) va yashash joyi (joylashgan yeri); bajarilmagan majburiyatlarning qisqacha bayoni va ipotekaga qo'yuvchining ipotekaga oluvchi oldidagi, ipoteka narsasini realizatsiya qilish hisobiga qanoatlantirilishi kerak bo'lgan barcha qarzlarining umumiy summasi; ipoteka narsasi bo'lgan va auktsionga qo'yilayotgan ko'chmas mulkning nomi, tavsifi va ta'rifi; auktsion o'tkaziladigan joy va vaqt. Agar auktsion ixtisoslashtirilgan tashkilot tomonidan o'tkaziladigan bo'lsa, auktsion o'tkazilishi to'g'risidagi xabarnomada mazkur tashkilotning nomi, joylashgan yeri va telefon raqami to'g'risidagi ma'lumotlar ham ko'rsatilgan bo'lishi kerak.