15-modda. Davlat ijtimoiy sug'urtasi mablag'larini byudjetlashtirish va xarajat qilish hamda ularning ijrosi to'g'risidagi hisobotlar

Jamg'arma byudjeti sug'urtalovchi tomonidan ishlab chiqiladi va O'zbekiston Respublikasining Davlat byudjeti to'g'risidagi O'zbekiston Respublikasi Qonuni bilan tasdiqlanadi. Jamg'arma mablag'lari davlat ijtimoiy sug'urtasi bo'yicha to'lovlarni, shu jumladan mazkur to'lovlarni amalga oshirish bilan bog'liq xarajatlarni moliyalashtirishga sarflanadi. Tasdiqlangan byudjet ko'rsatkichlarining bajarilishi sug'urtalovchi va uning hududiy bo'linmalari, tuman (shahar) «Inson» ijtimoiy xizmatlar markazlari tomonidan ta'minlanadi. Jamg'arma byudjetining muayyan moliya yilidagi ijrosi to'g'risidagi hisobotlar O'zbekiston Respublikasi Iqtisodiyot va moliya vazirligiga taqdim etiladi. Jamg'armaning joriy hisobot yilida foydalanilmay qolgan mablag'lari olib qo'yilmaydi va keyingi yilga o'tkaziladi.