Ichki ishlar organlari o'z faoliyatida fan yutuqlaridan, zamonaviy texnologiyalardan va axborot tizimlaridan foydalanadi.
Ichki ishlar organlari jismoniy va yuridik shaxslarga ushbu organlarning vakolatlariga taalluqli elektron davlat xizmatlari ko'rsatilishini, shuningdek hujjatlarni qabul qilish va ro'yxatga olishning, davlat xizmatlari ko'rsatish jarayoni to'g'risidagi xabarnomalarning elektron shakllari qo'llanilishini qonunchilikka muvofiq ta'minlaydi.
Ichki ishlar organlari jamoat tartibini, jamoat xavfsizligini ta'minlashda, jinoyatlar, ma'muriy huquqbuzarliklarning oldini olishda, ularni aniqlashda, ularga chek qo'yishda, ularni fosh etishda, tergov qilishda hamda jinoyatlar, ma'muriy huquqbuzarliklarning sodir etilishi holatlarini, hodisalar holatlarini hujjatlashtirishda, shu jumladan jamoat joylarida, shuningdek o'z zimmasiga yuklatilgan vazifalarni bajarayotgan ichki ishlar organlari xodimlarining harakatlarini qayd etish uchun texnik vositalardan, shu jumladan audio-, foto- va video qayd etish vositalaridan foydalanishi mumkin.
Ichki ishlar organlarida davlat sirlarini yoki qonun bilan qo'riqlanadigan boshqa sirni tashkil etuvchi ma'lumotlarni muhofaza qilish, shu jumladan kriptografik vositalarni qo'llagan holda texnik jihatdan muhofaza qilish ta'minlanadi.
lex.uz’dagi asl matn«Ichki ishlar organlari to'g'risida»gi qonun
12-modda. Fan yutuqlaridan, zamonaviy texnologiyalardan va axborot tizimlaridan foydalanish
(12-модданинг иккинчи қисми Ўзбекистон Республикасининг 2021 йил 21 апрелдаги ЎРҚ-683-сонли Қонуни таҳририда — Қонунчилик маълумотлари миллий базаси, 21.04.2021 й., 03/21/683/0375-сон)
Oddiy tilda
**Nimani anglatadi**
Ichki ishlar organlari o'z ishlarida yangi texnologiyalardan, kompyuter tizimlari va elektron xizmatlardan foydalanadi. Ular fuqaralarga va tashkilotlarga onlayn orqali rasmiy xizmatlar ko'rsatadi, hujjatlarni elektron shaklda qabul qiladi va ro'yxatga oladi.
**Kimga tegishli**
Bu qoida ichki ishlar organlari va ulardan xizmat so'raydigan barcha fuqaralarga, tashkilotlarga tegishli.
**Amalda**
Politsiyaga murojaat qilayotgan fuqara pasport qayta chiqarish uchun hujjatlarni onlayn orqali yuborishi mumkin. Shuningdek, ko'chalar, bozorlar va boshqa jamoat joylarida xavfsizlikni ta'minlash uchun kamera va video qayd etish vositalaridan foydalaniladi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.