Garovga oluvchi garov bilan ta'minlangan majburiyatni quyidagi hollarda muddatidan ilgari bajarishni talab qilishga haqli:
1) agar garov narsasi garovga qo'yuvchida qoldirilgan bo'lib, garov to'g'risidagi shartnoma buzilgan holda uning egaligidan chiqqan bo'lsa;
2) garovga qo'yuvchi garov narsasini almashtirish qoidalarini buzgan bo'lsa (ushbu Kodeksning 276-moddasi);
3) garov narsasi garovga oluvchi javob bermaydigan vaziyatlarda yo'qolgan bo'lsa, agar garovga qo'yuvchi ushbu Kodeks 276-moddasining ikkinchi qismida nazarda tutilgan huquqdan foydalanmagan bo'lsa.
Garovga oluvchi quyidagi hollarda garov bilan ta'minlangan majburiyatni muddatidan ilgari bajarishni talab qilishga, agar uning talabi qondirilmasa, undiruvni garov narsasiga qaratishga haqli:
1) garovga qo'yuvchi navbatdagi garov qoidasini buzgan bo'lsa (ushbu Kodeksning 273-moddasi);
2) garovga qo'yuvchi garovga qo'yilgan mol-mulkni saqlash va asrash yuzasidan ushbu Kodeks 274-moddasi birinchi qismining 1 va 2-bandlarida hamda ikkinchi qismida nazarda tutilgan burchlarni bajarmasa;
3) garovga qo'yuvchi garovga qo'yilgan mol-mulkni tasarruf etish qoidalarini buzsa (ushbu Kodeks 277-moddasining ikkinchi va uchinchi qismlari);
4) boshqa kreditorlar tomonidan undiruv garovga qo'yilgan mol-mulkka qaratilganda, shu jumladan sud hujjatlari va boshqa organlar hujjatlari majburiy ijro etilganda.
lex.uz’dagi asl matn282-modda. Garov bilan ta'minlangan majburiyatni muddatidan ilgari bajarish va undiruvni garovga qo'yilgan mol-mulkka qaratish
(282-модда иккинчи қисмининг 4-банди Ўзбекистон Республикасининг 2019 йил 22 октябрдаги ЎРҚ-572-сонли Қонуни таҳририда — Қонун ҳужжатлари маълумотлари миллий базаси, 23.10.2019 й., 03/19/572/3943-сон)
Oddiy tilda
**Nimani anglatadi**
Garovga oluvchi (pul beruvchi) garov narsasini (olingan narsani) muddatidan ilgari sotishi yoki undirishi mumkin. Buning uchun garovga qo'yuvchi (qarz oluvchi) shartnoma shartlarini buzishi, mol-mulkni saqlashi yoki boshqa qoidalarni buzishi kerak. Agar garovga qo'yuvchi majburiyatni bajarsa, garovga oluvchi undiruvni to'xtata oladi.
**Kimga tegishli**
Bu huquq garovga oluvchiga (kreditorga) tegishli, u garov narsasini himoya qilish uchun.
**Amalda**
Siz bankdan 100 million so'm qarz olib, avtomobilingizni garov qo'ydingiz. Agar siz qarz to'lovini to'rt oy davomida to'lamasangiz yoki avtomobilingizni sotishga urinasangiz, bank avtomobilingizni muddatidan ilgari sotishga haqli bo'ladi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.