Garovga oluvchining (kreditorning) talablari garovga qo'yilgan ko'chmas mol-mulk qiymatidan sudning qaroriga muvofiq qondiriladi.
Garovga oluvchining talabini garovga qo'yilgan ko'chmas mol-mulk hisobidan sudga murojaat qilmasdan qondirishga, agar bu garov to'g'risidagi shartnomada nazarda tutilgan bo'lsa yoxud undiruvni garov narsasiga qaratish uchun asoslar vujudga kelganidan keyin garovga oluvchining garovga qo'yuvchi bilan tuzilgan, notarial tartibda tasdiqlangan kelishuvi asosida yo'l qo'yiladi. Mazkur kelishuv tufayli huquqlari buzilgan shaxsning da'vosiga ko'ra bunday kelishuv sud tomonidan haqiqiy emas deb topilishi mumkin.
Agar garovga qo'yuvchining garovga oluvchi bilan kelishuvida boshqacha tartib nazarda tutilgan bo'lmasa, garovga oluvchining talablari garovga qo'yilgan ko'char mol-mulk hisobidan sud hujjatiga muvofiq qondiriladi. Agar qonunda boshqacha tartib belgilab qo'yilgan bo'lmasa, undiruv garovga oluvchiga topshirilgan garov narsasiga garov to'g'risidagi shartnomada belgilangan tartibda qaratilishi mumkin.
Undiruv garov narsasiga quyidagi hollarda faqat sudning qaroriga muvofiq qaratilishi mumkin:
1) qonunda boshqa shaxsning yoki organning garov to'g'risida shartnoma tuzish uchun roziligi yoxud ruxsati haqidagi talab belgilangan bo'lsa, bundan mazkur mol-mulkni garovga berish chog'ida zarur bo'lgan rozilik yoki ruxsat olingan hollar mustasno;
2) garov narsasi tarixiy, ilmiy, badiiy qimmatga yoki o'zga madaniy qimmatga ega mol-mulk bo'lsa;
3) garovga qo'yuvchi yo'qolgan bo'lsa va uning turgan joyini aniqlash mumkin bo'lmasa.
lex.uz’dagi asl matn280-modda. Undiruvni garovga qo'yilgan mol-mulkka qaratish tartibi
(280-модда тўртинчи қисмининг 1-банди Ўзбекистон Республикасининг 2025 йил 22 апрелдаги ЎРҚ-1060-сонли Қонуни таҳририда — Қонунчилик маълумотлари миллий базаси, 22.04.2025 й., 03/25/1060/0373-сон)
Oddiy tilda
**Nimani anglatadi**
Garovga oluvchi (kreditor) o'z puli qaytarilmasa, garovga qo'yilgan ko'chmas mol-mulkni sotib undirish huquqiga ega. Biroq bu undiruvni qanday amalga oshirish kerak — sudning ruxsati bilan yoki to'g'ridan-to'g'ri — bu shartnomada yoki qonunda belgilangan tartibga bog'liq.
**Kimga tegishli**
Bu qoida garovga oluvchi (bank, kreditor) va garovga qo'yuvchi (qarz oluvchi) o'rtasidagi munosabatlarga tegishli.
**Amalda**
Shaxs bankdan pul olib, uyini garov qo'ydi. Agar qarz qaytarsa, hammasi yaxshi. Agar qaytarmasa, bank uyni sotib undirish uchun sudga murojaat qilishi kerak — to'g'ridan-to'g'ri sotib bo'lmaydi. Lekin agar shartnomada "sudga murojaat qilmasdan sotish mumkin" deb yozilgan bo'lsa, bank notarial kelishuv asosida uyni sotib undirishi mumkin.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.