50-band. 6-bob. Avtomototransport vositalarini qayta ro'yxatdan o'tkazish — 50-band

Avtomototransport vositalarini qayta ro'yxatdan o'tkazish quyidagi holatlarda amalga oshiriladi: a) mulkdor — jismoniy shaxsning familiyasi, ismi, otasining ismi o'zgarganda, shuningdek mulkdor — yuridik shaxs qayta tashkil etilganda yoki nomlanishi o'zgarganda; b) avtomototransport vositasining ro'yxatdan o'tkazish joyini o'zgartirishni talab qilmagan holatda avtomototransport vositasi egasining yashash (turgan) joyi yoki joylashgan joyi (pochta manzili) o'zgarganda; v) yuridik shaxslarga tegishli yuk avtotransport vositalarining, avtobus va mikroavtobuslarining saqlab turiladigan joyi o'zgarganda; g) avtomototransport vositalarining rangi va (yoki) raqam agregati o'zgarganda; d) avtomototransport vositasi qayta jihozlanganda; ye) avtomototransport vositasini yoki RO'DRBni ro'yxatdan o'tkazish guvohnomasi yaroqsiz holga kelganda, shikastlanganda yoki yo'qolganda.