Санация қилувчи бошқарувчи қуйидагиларга ҳақли:
қарздорнинг раҳбаридан қарздорнинг жорий фаолияти, суд санацияси режасида назарда тутилган тадбирларнинг амалга оширилиши ҳамда қарзни тўлаш жадвалининг бажарилиши жараёни ҳақида ахборот талаб қилишга;
қарздорнинг раҳбаридан кредиторларнинг талабларини қаноатлантириш учун пул маблағлари ўз вақтида ва тўлиқ ўтказилишини талаб қилишга;
қарздор мол-мулк инвентаризациясини ўтказган тақдирда унда иштирок этишга;
кредиторларнинг жорий талаблари қарздор томонидан ўз вақтида бажарилиши устидан назоратни амалга оширишга;
ушбу Қонун 96-моддасининг бешинчи қисмида назарда тутилган ҳолларда қарздорнинг битимлари ва қарорларини келишиб олишга ҳамда мазкур битимлар ва қарорлар ҳақида кредиторларга ахборот тақдим этишга;
ушбу Қонуннинг 63, 64 ва 65-моддаларида белгиланган тартибда қарздорнинг битимларини ҳақиқий эмас деб топиш тўғрисида судга ариза беришга;
қарздорнинг кредиторлар талабларини тан олишга ёки бундай талабларни аниқланган деб топиш учун асосларни тасдиқлашга доир ҳаракатлари ёхуд қарздорнинг кредиторлар талабларини кўриб чиқиш борасидаги ҳаракатсизлиги устидан ушбу Қонуннинг 60 ва 87-моддаларида белгиланган ҳолларда ҳамда тартибда судга шикоят беришга;
ушбу Қонун 96-моддасининг тўртинчи қисмида назарда тутилган ҳолларда қарздорнинг раҳбарини ўз вазифасини бажаришдан четлаштириш ҳақидаги илтимоснома билан судга мурожаат қилишга;
қарздор раҳбаридан, таъсисчиларидан (иштирокчиларидан) ва (ёки) давлат органларидан қарздорга тааллуқли бўлган ахборотни ва ҳужжатларни сўраб олишга;
ўз ваколатларини амалга оширишни таъминлаш учун давлат хизматларидан, шу жумладан давлат хизматлари марказлари орқали кўрсатиладиган хизматлардан олдиндан тўловларни амалга оширмасдан фойдаланишга;
қарздорнинг мол-мулки бут сақланишини таъминлаш юзасидан қўшимча чоралар кўриш тўғрисидаги, шу жумладан мол-мулкни сақлаш учун учинчи шахсларга ўтказиш, шунингдек бундай чораларни бекор қилиш ҳақидаги илтимоснома билан судга мурожаат қилишга.
Санация қилувчи бошқарувчи қонунчиликка мувофиқ бошқа ҳуқуқларга ҳам эга бўлиши мумкин.
lex.uz’dagi asl matn«Тўловга қобилияцизлик тўғрисида»ги қонун (банкротлик)
98-modda. Санация қилувчи бошқарувчининг ҳуқуқлари
(98-модда биринчи қисмининг ўн биринчи хатбошиси Ўзбекистон Республикасининг 2024 йил 16 январдаги ЎРҚ-896-сонли Қонуни таҳририда — Қонунчилик маълумотлари миллий базаси, 16.01.2024 й., 03/24/896/0037-сон)
Oddiy tilda
САНАЦИЯ ҚИЛУВЧИ БОШҚАРУВЧИНИНГ ҲУҚУҚЛАРИ
Нимани англадади
Санация қилувчи бошқарувчи — бу қарздор компанияни сақлаш учун суд томонидан тайинланган шахс. Унинг асосий вазифаси қарздорнинг молиявий ҳолатини яхшилаш ва кредиторларга қарзни тўлаш. Бошқарувчи компанияни назоратлайди, ахборот олади ва судга мурожаат қилиши мумкин.
Кимга тегишли
Бу ҳуқуқлар банкротлик жараёнида суд томонидан тайинланган санация қилувчи бошқарувчига тегишли.
Аmalда
Агар компания қарзга батолса, суд санация қилувчи бошқарувчи тайинлайди. У раҳбарга ахборот сўрайди, кредиторларга пул ўтказилишини назоратлайди ва қарзни тўлаш режасини бажарилишини кузатади.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.