Суд жисмоний шахснинг қарзини таркибий жиҳатдан ўзгартириш тартиб-таомилини қуйидаги ҳолларда муддатидан илгари тугатади:
режада ва унга илова қилинган ҳужжатларда нотўғри маълумотлар мавжуд бўлганда;
агар кредиторнинг ёки тегишли ваколатли органнинг шикоятлари (аризалари) мавжуд бўлса, жисмоний шахснинг кредиторларни мулкий ҳолатининг муҳим ўзгаришлари тўғрисида хабардор қилишга доир мажбурияти режада белгиланган тартибда бажарилмаганда;
кредитор ёки тегишли ваколатли орган олдидаги режага киритилган мажбуриятлар жисмоний шахс томонидан бажарилмаганда.
Ушбу модданинг биринчи қисмида назарда тутилган ҳолларда кредитор ёки тегишли ваколатли орган жисмоний шахснинг қарзини таркибий жиҳатдан ўзгартириш тартиб-таомилини муддатидан илгари тугатиш тўғрисида судга мурожаат қилиш ҳуқуқига эга.
Кредиторнинг ёки тегишли ваколатли органнинг жисмоний шахснинг қарзини таркибий жиҳатдан ўзгартириш тартиб-таомилини муддатидан илгари тугатиш ҳақидаги аризасига ушбу аризанинг кўчирма нусхалари тўловга қобилиятсизлик тўғрисидаги ишда иштирок этувчи шахсларга юборилганлигини тасдиқловчи далиллар илова қилиниши керак.
Кредиторнинг ёки тегишли ваколатли органнинг жисмоний шахснинг қарзини таркибий жиҳатдан ўзгартириш тартиб-таомилини муддатидан илгари тугатиш ҳақидаги аризаси мазкур ариза олинган санадан эътиборан ўн кунлик муддат ичида суд томонидан кўриб чиқилади.
Агар кредиторнинг ёки тегишли ваколатли органнинг жисмоний шахснинг қарзини таркибий жиҳатдан ўзгартириш тартиб-таомилини муддатидан илгари тугатиш тўғрисидаги шикоятини (аризасини) кўриб чиқиш чоғида жисмоний шахснинг қарзини таркибий жиҳатдан ўзгартириш режасининг шартларига мувофиқ жисмоний шахс ўзининг кредитор ёки тегишли ваколатли орган олдидаги мажбуриятларини бажармаганлиги аниқланса, суд жисмоний шахснинг қарзини таркибий жиҳатдан ўзгартириш тартиб-таомилини муддатидан илгари тугатиш ҳамда жисмоний шахсни банкрот деб топиш ва унинг мол-мулкини сотиш тартиб-таомилини бошлаш ҳақида қарор қабул қилади.
lex.uz’dagi asl matn«Тўловга қобилияцизлик тўғрисида»ги қонун (банкротлик)
217-modda. Жисмоний шахснинг қарзини таркибий жиҳатдан ўзгартириш тартиб-таомилини муддатидан илгари тугатиш
Oddiy tilda
NIMANI ANGLATADI
Суд жисмоний шахс (одам) қарзини қайта ўзгартириш режасини вақтидан олдин тугатиши мумкин. Бу одам ёки кредитор (қарз берувчи) ўзларининг шартларини бажармаганда, ёки режада ёлғон маълумот бўлганда содир бўлади. Агар одам қарзини тўлашга қобилиятсиз бўлса, суд уни банкрот деб эълон қилади.
KIMGA TEGISHLI
Бу қонун жисмоний шахсларнинг қарзи ва банкротлик масалалари билан шуғулланадиган судларга тегишли.
AMALDA
Раис ўйга қарз олди, лекин ишини йўқотди ва тўла олмай қолди. Суд унинг қарзини қайта ўзгартириш режасини тугатди, чунки у шартларни бажармади. Натижада раис банкрот деб эълон қилинди ва молларини сотиш бошланди.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.