Суд томонидан жисмоний шахсни тўловга қобилиятсиз деб топиш тўғрисидаги аризани қаноатлантириш ва жисмоний шахснинг қарзини таркибий жиҳатдан ўзгартириш тартиб-таомилини жорий этиш ҳақида ажрим чиқарилган кундан эътиборан:
кредиторларнинг пул мажбуриятлари ва солиқлар ҳамда йиғимлар бўйича қарзига доир талабларини қаноатлантиришга нисбатан мораторий жорий этилади;
кредиторларнинг пул мажбуриятлари, солиқлар ҳамда йиғимларни тўлаш тўғрисидаги талаблар (бундан жорий тўловлар мустасно), шунингдек мулк ҳуқуқини эътироф этиш, мол-мулкни бошқа шахснинг қонунга хилоф эгалигидан талаб қилиб олиш ҳамда битимларни ҳақиқий эмас деб топиш ҳақидаги, ўз-ўзидан ҳақиқий бўлмайдиган битимларнинг ҳақиқий эмаслиги оқибатларини қўллаш тўғрисидаги талаблар фақат ушбу Қонунда белгиланган тартибда тақдим этилиши мумкин;
жисмоний шахснинг тақиқ қўйилган мол-мулкига нисбатан илгари белгиланган чекловлар олиб ташланади, жисмоний шахснинг мол-мулкига нисбатан тақиқ қўйиш ва унинг мол-мулкига нисбатан бошқа чекловлар фақат жисмоний шахснинг тўловга қобилиятсизлиги тўғрисидаги иш доирасида қўлланилиши мумкин;
ижро ҳужжатларини, хусусан, ундирувни жисмоний шахснинг мол-мулкига қаратиш бўйича ижро ҳужжатларини бажариш тўхтатиб турилади, бундан ҳаётга ёки соғлиққа етказилган зарарнинг ўрнини қоплаш, мол-мулкни бошқа шахснинг қонунга хилоф эгалигидан талаб қилиб олиш, мазкур мол-мулкка эгалик қилишга доир тақиқларни олиб ташлаш, ушбу мол-мулкка нисбатан мулк ҳуқуқини тан олиш, алиментларни ундириш, шунингдек гаровга қўйилган мол-мулкни ундириш ҳақидаги ижро ҳужжатлари мустасно.
Суд кредиторнинг ёки молиявий бошқарувчининг илтимосномасига кўра Ўзбекистон Республикасининг Иқтисодий процессуал кодексига мувофиқ кредиторлар талабларини ва жисмоний шахс манфаатларини таъминлашга доир чоралар кўришга, шу жумладан жисмоний шахс мол-мулкининг бир қисмини тасарруф этишга нисбатан тақиқ қўйишга, жумладан жисмоний шахснинг мол-мулкини сотиш бўйича электрон онлайн-аукцион шаклидаги кимошди савдосини ўтказишга нисбатан тақиқ қўйишга ҳақли.
Жисмоний шахснинг қарзини таркибий жиҳатдан ўзгартириш тартиб-таомилининг жорий этилиши жисмоний шахс томонидан муайян кредиторнинг талаби пул шаклида бажарилишини назарда тутган шартномани бажаришни бир томонлама рад этиш учун асос бўлади. Бундай шартномаларни бир томонлама рад этиш тўғрисида жисмоний шахсга нисбатан кредиторнинг талабларини белгилаш жараёнида маълум қилиниши мумкин.
Агар кредит ташкилоти жисмоний шахсларнинг банк ҳисобварақлари ва банклардаги омонатлари бўйича, шу жумладан банк карталаридаги ҳисобварақлар бўйича операцияларни ушбу моддада белгиланган қоидаларни бузган ҳолда амалга ошираётган бўлса, кредит ташкилоти, агар у жисмоний шахснинг қарзини таркибий жиҳатдан ўзгартириш жорий этилганлиги ҳақида хабардор қилинган ёки бу ҳақда билган бўлса, қонунчиликда белгиланган тартибда жавобгар бўлади.
lex.uz’dagi asl matn«Тўловга қобилияцизлик тўғрисида»ги қонун (банкротлик)
205-modda. Жисмоний шахснинг қарзини таркибий жиҳатдан ўзгартириш тартиб-таомилини жорий этиш оқибатлари
Oddiy tilda
**NIMANI ANGLATADI**
Суд жисмоний шахсни банкротлик деб топганда, унинг қарзларини қайта ўзгартириш жараёни бошланади. Бу вақтда кредиторлар унинг пулини талаб қила олмайдилар — мораторий жорий этилади. Жисмоний шахсни қайта ўзгартириш жараёни унинг молини сотиш, битимларни бекор қилиш ва бошқа чоралар орқали амалга ошiriladi.
**KIMGA TEGISHLI**
Бу қоида жисмоний шахс (одам) ва унинг кредиторларига (қарз берувчиларга) тегишли.
**AMALDA**
Ахмад банкдан қарз олди, лекин тўла олмади. Суд унинг банкротлигини тан олди. Шундан сўнг банк унинг пулини талаб қила олмайди — мораторий жорий этилади. Ахмаднинг мол-мулки сотилади ва пул кредиторларга берилади.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.