Ушбу Қонуннинг амал қилиши реклама тайёрланган жойдан қатъи назар, агар мазкур реклама Ўзбекистон Республикаси ҳудудида фойдаланишга ва тарқатишга қаратилган бўлса, рекламанинг айланиши соҳасидаги барча муносабатларга нисбатан татбиқ этилади.
Ушбу Қонуннинг амал қилиши:
1) сайловолди ташвиқоти материалларига;
2) ошкор этилиши ёки тарқатилиши ёхуд рекламадан фойдаланувчига етказилиши қонунчиликка мувофиқ мажбурий бўлган ахборотга;
3) товарни бозорда илгари суриш асосий мақсади бўлмаган ва ижтимоий ахборот ҳисобланмайдиган маълумот-ахборот материалларига ҳамда таҳлилий материалларга (ички ва ташқи бозорларнинг шарҳларига, илмий тадқиқотлар ҳамда синовлар натижаларига);
4) реклама хусусиятидаги маълумотларни ўз ичига олмаган пешлавҳалар ва кўрсаткичлар ахборотига;
5) жисмоний ёки юридик шахсларнинг тадбиркорлик фаолиятини амалга ошириш билан боғлиқ бўлмаган эълонларига;
6) товарда ёки унинг ўрамида жойлаштирилган, товар, уни ишлаб чиқарувчи, импорт қилувчи ёки экспорт қилувчи тўғрисидаги ахборотга;
7) товарда ёки унинг ўрамида жойлаштирилган ва бошқа товарга тааллуқли бўлмаган товар безагининг ҳар қандай қисмларига;
8) илм-фан, адабиёт ёки санъат асарларига узвий равишда уйғунлаштирилган ва ўз ҳолича реклама хусусиятидаги маълумотлар ҳисобланмайдиган, товар, уни индивидуаллаштириш воситалари, товарни ишлаб чиқарувчи ёки сотувчи тўғрисидаги эслатмаларга;
9) ишлаб чиқарилаётган ёки реализация қилинаётган товарлар ҳақида товарларни ишлаб чиқарувчиларнинг ва (ёки) сотувчиларнинг сайтларига ёки ижтимоий тармоқлардаги саҳифаларга жойлаштирилган Интернет жаҳон ахборот тармоғидаги ахборотга, агар кўрсатилган маълумотлар сайтга ёки ижтимоий тармоқдаги саҳифага кирувчиларни реализация қилинаётган товарлар, уларнинг ассортименти, улардан фойдаланиш қоидалари ва бошқа хусусиятлар (хоссалар) тўғрисида хабардор қилиш учун мўлжалланган бўлса;
10) Интернет жаҳон ахборот тармоғининг ахборот-қидирув тизимларидаги сўровлар бўйича берилган натижаларга нисбатан татбиқ этилмайди.
lex.uz’dagi asl matn2-modda. Ушбу Қонуннинг амал қилиш соҳаси
Oddiy tilda
**Нимани англадади**
Бу қонун Ўзбекистон ҳудудида тарқатиладиган барча рекламаларга қўлланилади, қайси жойда тайёрланганидан қатъи назар. Лекин қонун баъзи маълумотларга татбиқ этилмайди — масалан, сайловолди материаллари, қонун талаб қилган ахборотлар ёки товар ўрамидаги техник маълумотлар рекламаларга санаб қўйилмайди.
**Кимга тегишли**
Бу қонун реклама тайёрловчилар, сотувчилар, ишлаб чиқарувчилар ва рекламани тарқатувчиларга татбиқ этилади.
**Аmalда**
Агар компания интернет сайтида товарнинг ассортименти ва фойдаланиш қоидалари ҳақида маълумот жойлаштирса, бу рекламага санаб қўйилмайди, чунки у фақат хабардор қилиш мақсадида ёзилган.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.