Ижро иши бўйича кафолат маблағларини киритиш қарздор томонидан унга нисбатан мулкий тусдаги суд ҳужжати бўйича мажбуриятларнинг бажарилишини мажбурий ижро органининг депозит ҳисобварағига ушбу мажбуриятларнинг тўлиқ миқдорида ёки бажарилмаган қисми миқдорида пул ўтказиш йўли билан таъминлашдан иборатдир, бундан даврий тўловларни ундириш тўғрисидаги суд ҳужжатлари мустасно.
Ижро иши бўйича кафолат маблағларини киритиш ижро иши юритишни тўхтатиб туриш, қарздорга ва унинг мол-мулкига нисбатан белгиланган чекловларни бекор қилиш учун асос бўлади.
Ижро иши бўйича кафолат маблағларини киритиш:
1) ижро ҳужжатини бериш учун асос бўлган суд ҳужжати устидан берилган шикоят ёки келтирилган протест суд томонидан қабул қилинганда;
2) давлат ижрочисининг ҳаракати (қарори) устидан шикоят берилганда қўлланилади.
Мажбурий ижро органининг депозит ҳисобварағига ўтказилган ижро иши бўйича кафолат маблағлари ижро ишини юритишни тўхтатиб туриш учун ушбу Қонунда белгиланган муддат давомида сақланади.
Ижро иши бўйича кафолат маблағлари:
1) ижро ҳужжатини бериш учун асос бўлган суд ҳужжати бекор бўлганда;
2) ижро ҳужжати амалда ижро этилганда қарздорга уч кунлик муддатда қайтарилади.
Ижро иши бўйича кафолат маблағлари, ушбу модданинг бешинчи қисмида кўрсатилганидан ташқари ҳолларда, ижро ҳужжатининг талабларини қаноатлантиришга йўналтирилади.
Ушбу модда учинчи қисмининг 2-бандига асосан киритилган ижро иши бўйича кафолат маблағлари давлат ижрочисининг ҳаракати қонунга хилоф деб топилган ёки қарори бекор бўлган кундан эътиборан яна йигирма кун мобайнида мажбурий ижро органининг депозит ҳисобварағида сақланади. Агар ушбу муддат давомида ижро ҳужжатини бериш учун асос бўлган суд ҳужжати устидан шикоят берилмаса ёки протест келтирилмаса, ижро иши бўйича кафолат маблағларига ушбу модданинг олтинчи қисмида белгиланган тартибда ундирув қаратилади. Агар ушбу муддат давомида ижро ҳужжатини бериш учун асос бўлган суд ҳужжати устидан шикоят берилса ёки протест келтирилса, ижро иши бўйича кафолат маблағлари ижро ишини юритишни тўхтатиб туриш учун ушбу Қонунда белгиланган муддат давомида сақланади.
lex.uz’dagi asl matn«Суд ҳужжатлари ва бошқа органлар ҳужжатларини ижро этиш тўғрисида»ги қонун
33¹-modda. Ижро иши бўйича кафолат маблағларини киритиш
(33¹-модда Ўзбекистон Республикасининг 2025 йил 19 августдаги ЎРҚ-1082-сонли Қонунига асосан киритилган — Қонунчилик маълумотлари миллий базаси, 19.08.2025 й., 03/25/1082/0750-сон)
Oddiy tilda
КАФОЛАТ МАБЛАҒЛАРИНИ КИРИТИШ
Нимани англадади
Қарздор суд ҳужжатида кўрсатилган пулни мажбурий ижро органининг ҳисобига ўтказади. Бу пул ижро ишини вақтинча тўхтатиб, қарздорга қўйилган чекловларни бекор қилади. Агар суд ҳужжати бекор бўлса ёки қарз тўланса, пул қарздорга қайтарилади.
Кимга тегишли
Бу қоида суд ҳужжатини бажаришдан қўтқилиш учун пул ўтказмоқчи бўлган қарздорларга тегишли.
Аmalда
Ахмад ўзига қарши суд ҳужжати бўлса, 5 миллион сўм депозитга ўтказиб, ишни вақтинча тўхтатиши мумкин. Агар суд ҳужжатни бекор қилса, пулни орқага олади.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.