Лицензия шартномаси бўйича интеллектуал фаолият натижасига ёки хусусий аломатларни акс эттирувчи воситага нисбатан мутлақ ҳуқуққа эга бўлган тараф (лицензиар) бошқа тарафга (лицензиатга) тегишли интеллектуал мулк объектидан фойдаланишга рухсатнома беради.
Лицензия шартномаси бериладиган ҳуқуқларни, фойдаланиш чегаралари ва муддатларини аниқлаши лозим.
Лицензия шартномаси пуллик ҳисобланади.
Лицензия шартномаси лицензиатга қуйидагиларни беришни назарда тутиши мумкин:
интеллектуал мулк объектидан, лицензиарнинг ундан фойдаланиш ҳуқуқи ва бошқа шахсларга лицензия бериш ҳуқуқи сақланиб қолган ҳолда (оддий номутлақ лицензия) фойдаланиш ҳуқуқини;
интеллектуал мулк объектидан, лицензиарнинг ундан фойдаланиш ҳуқуқи сақланиб қолган ҳолда, бироқ бошқа шахсларга лицензияни бериш ҳуқуқисиз (мутлақ лицензия) фойдаланиш ҳуқуқини;
қонунда йўл қўйиладиган бошқа турдаги лицензияларни.
Агар лицензия шартномасида бошқача тартиб назарда тутилмаган бўлса, лицензия оддий (номутлақ) деб ҳисобланади.
Лицензияни олувчи томонидан интеллектуал мулк объектидан фойдаланиш ҳуқуқини бошқа шахсга бериш тўғрисидаги шартнома сублицензия шартномаси ҳисобланади. Лицензияни олувчи фақат лицензия шартномасида назарда тутилган ҳолларда сублицензия шартномаси тузишга ҳақли.
Қўшимча лицензиатнинг ҳаракатлари учун, агар лицензия шартномасида бошқача тартиб назарда тутилмаган бўлса, лицензиар олдида лицензиат жавобгар бўлади.
lex.uz’dagi asl matn1036-modda. Лицензия шартномаси
Oddiy tilda
ЛИЦЕНЗИЯ ШАРТНОМАСИ
Нимани англадади
Лицензия шартномаси — бу икки томон ўртасидаги келишув. Бир томон (лицензиар) ўзининг интеллектуал мулкини — ихтирони, товар белгисини, асарни — бошқа томонга (лицензиатга) фойдаланишга рухсат беради. Лицензиат шу мулкдан фойдаланиши мумкин, лекин унинг эгаси бўлмайди.
Киимга тегишли
Бу шартнома интеллектуал мулкнинг эгаси ва унидан фойдаланмоқчи бўлган шахслар ўртасида тузилади.
Амалда
Масалан, компания ўзининг рецептини ресторанга лицензия шартномаси орқали беради. Ресторан шу рецепт бўйича таомни тайёрлаши мумкин, лекин рецептни бошқаларга бера олмайди. Компания ўзи ҳам шу рецептдан фойдалана олади.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.