48-modda. Sug'urtalovchilar (qayta sug'urtalovchilar) tomonidan prudentsial normativlarga rioya etilishi

Sug'urta (qayta sug'urta) tashkilotlarining moliyaviy barqarorligini ta'minlash hamda sug'urta xizmatlari iste'molchilarining qonuniy manfaatlarini himoya qilish maqsadida sug'urtalovchilar (qayta sug'urtalovchilar) belgilangan prudentsial normativlarga rioya etishi shart, ushbu normativlarni hisoblab chiqarish tartibi va yo'l qo'yiladigan qiymatlari vakolatli davlat organi tomonidan belgilanadi. Prudentsial normativlar quyidagilarni o'z ichiga oladi: ustav fondining (ustav kapitalining) eng kam miqdorini; to'lovga qobiliyatlilik marjasining yetarlilik normativini; sug'urtalovchilarning (qayta sug'urtalovchilarning) alohida tavakkalchiliklar bo'yicha majburiyatlari normativini; sug'urta zaxiralarini shakllantirish va joylashtirish bo'yicha normativni; vakolatli davlat organi tomonidan belgilangan boshqa prudentsial normativlarni. Prudentsial normativlarga kelgusidagi o'zgartishlar ushbu o'zgartishlar amalga kiritilishidan kamida bir oy oldin vakolatli davlat organi tomonidan rasmiy ravishda e'lon qilinadi.