I2-14-band. II. Majburiy sug'urta shartnomasini tuzish, o'zgartirish va muddatidan oldin to'xtatish tartibi — I2-14-band

Agar sug'urta qildiruvchi o'zi egasi bo'lgan transport vositasini majburiy sug'urta qilish shartnomasini tuzish vaqtigacha belgilangan tartibda davlat ro'yxatidan o'tkazilmagan bo'lsa, majburiy sug'urta shartnomasini tuzish to'g'risidagi arizani to'ldirishda «Davlat ro'yxatidan o'tkazish raqami» satrini to'ldirmaydi. Transport vositasi davlat ro'yxatidan o'tkazilgan sanadan boshlab 3 ish kuni mobaynida sug'urta qildiruvchi sug'urtalovchiga texnik pasport yoki davlat ro'yxatidan o'tkazilganligi to'g'risidagi guvohnoma nusxasini taqdim etishi shart, sug'urtalovchi ko'rsatib o'tilgan hujjatlar asosida majburiy sug'urta bo'yicha sug'urta polisida tegishli yozuvni qayd etadi.