Hukm chiqarilganidan keyin o'z harakatlarining ahamiyatini anglay olmaydigan yoki ularni boshqara olmaydigan tarzda ruhiy holatining buzilishi yuzaga kelgan shaxs, shuningdek jazoni o'tashga to'sqinlik qiladigan boshqa og'ir kasallikka chalingan shaxs jazoni o'tashdan ozod qilinishi lozim.
Ushbu moddaning birinchi qismida ko'rsatilgan shaxslarga nisbatan sud tibbiy yo'sindagi majburlov choralari qo'llashi mumkin.
Bunday shaxslar tuzalganidan keyin, ushbu Kodeksning 69-moddasida nazarda tutilgan va sud tomonidan tibbiy yo'sindagi majburlov choralari qo'llanilgan kundan boshlab hisoblanadigan muddatlar o'tib ketmagan bo'lsa, jazo ijro etiladi.
Intizomiy qismga jo'natish yoxud xizmat bo'yicha cheklash jazosiga hukm qilingan harbiy xizmatchilar, ularning sog'lig'i harbiy xizmat uchun yaroqsiz deb topilgan bo'lsa, jazoni o'tashdan ozod qilinadilar. Xizmat bo'yicha cheklash jazosiga hukm qilingan harbiy xizmatchi ayollar ularga homiladorlik va tug'ish ta'tili berilishi munosabati bilan ham jazoni o'tashdan ozod qilinadilar.
Majburiy jamoat ishlariga yoki axloq tuzatish ishlariga hukm qilingan shaxslar jazoni o'tash vaqtida mehnatga yaroqsiz bo'lib qolsalar yoxud pensiya yoshiga yetgan bo'lsalar, shuningdek ayollar bu turdagi jazoni o'tayotgan vaqtda homiladorlik va tug'ish ta'tiliga chiqsalar, jazoni o'tashdan ozod qilinadilar.
lex.uz’dagi asl matn75-modda. Kasallik yoki mehnat qobiliyatini yo'qotish oqibatida jazodan ozod qilish
(75-модданинг биринчи қисми Ўзбекистон Республикасининг 2019 йил 12 сентябрдаги ЎРҚ-567-сонли Қонуни таҳририда — Қонун ҳужжатлари маълумотлари миллий базаси, 13.09.2019 й., 03/19/567/3737-сон)
Oddiy tilda
**Kasallik yoki mehnat qobiliyatini yo'qotish oqibatida jazodan ozod qilish**
Nimani anglatadi
Agar hukm chiqarilganidan keyin odam o'z harakatlarini tushuna olmaydigan yoki boshqara olmaydigan holatga tushsa, yoki og'ir kasallikka chalinsa, uni jazoni o'tashdan ozod qilish mumkin. Bunday odamlar tibbiy yordamga yuboriladi. Agar keyinchalik tuzalsa va muddati o'tmagan bo'lsa, jazo ijro etiladi.
Kimga tegishli
Harbiy xizmatchilar, majburiy jamoat ishlariga hukm qilingan shaxslar va ayollar homiladorlik vaqtida bu qoidadan foydalanishlari mumkin.
Amalda
Odam jinoyat uchun 3 yil qamoq jazosiga hukm qilingan. Jazo o'tayotgan vaqtida unga og'ir kasallik (masalan, qalb xastaligi) aniqlanib, tibbiy ko'rikdan o'tkazildi. Doktor uning jazo o'tashga qodir emasligini tasdiqladi. Shuning uchun sud uni jazoni o'tashdan ozod qildi va tibbiy muassasaga yubordi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.