Agar bir (asosiy) xo'jalik jamiyati yoki shirkati ikkinchi xo'jalik jamiyatining ustav fondida undan ustunlik mavqeiga ega bo'lgan holda ishtirok etishi tufayli yoxud ular o'rtasida tuzilgan shartnomaga muvofiq yo bo'lmasa boshqacha tarzda ikkinchi xo'jalik jamiyati tomonidan qabul qilinadigan qarorlarni belgilab berish imkoniga ega bo'lsa, ushbu ikkinchi xo'jalik jamiyati shu'ba xo'jalik jamiyati hisoblanadi.
Shu'ba xo'jalik jamiyati yuridik shaxs hisoblanadi.
Shu'ba xo'jalik jamiyati o'z mulkida o'zining asosiy jamiyati (shirkati) ustav fondidagi (ustav kapitalidagi) ulushga ega bo'lishga haqli emas. Ushbu qismda belgilangan taqiq kuchga kirguniga qadar o'zining asosiy jamiyati (shirkati) ustav fondidagi (ustav kapitalidagi) ulushni olgan shu'ba xo'jalik jamiyati o'zining asosiy jamiyati (shirkati) ishtirokchilari yoki aktsiyadorlari umumiy yig'ilishida ovoz berishga haqli emas.
Shu'ba xo'jalik jamiyati o'zining asosiy jamiyati (shirkati)ning qarzlari bo'yicha javob bermaydi.
Asosiy jamiyat (shirkat) aybi bilan shu'ba xo'jalik jamiyati to'lovga qobiliyatsiz bo'lib qolgan taqdirda, asosiy jamiyat (shirkat) uning qarzlari bo'yicha subsidiar javobgar bo'ladi.
Shu'ba xo'jalik jamiyati ishtirokchilari (aktsiyadorlari) asosiy jamiyatdan (shirkatdan) uning aybi bilan shu'ba jamiyatga yetkazilgan zararni to'lashni, agar qonunda boshqacha tartib belgilangan bo'lmasa, talab qilishga haqli.
lex.uz’dagi asl matn67-modda. Shu'ba xo'jalik jamiyati
(67-модданинг бешинчи қисми Ўзбекистон Республикасининг 2024 йил 21 февралдаги ЎРҚ-911-сонли Қонуни таҳририда — Қонунчилик маълумотлари миллий базаси, 22.02.2024 й., 03/24/911/0142-сон)
Oddiy tilda
**Nimani anglatadi**
Shu'ba xo'jalik jamiyati — bu boshqa kompaniyaning nazorati ostida ishlayotgan tashkilot. Agar katta kompaniya kichik kompaniyaning aksiyalarining ko'p qismiga ega bo'lsa yoki uning qarorlarini boshqara olsa, kichik kompaniya shu'ba hisoblanadi. U o'z nomiga shartnoma tuzishi, mulk egaligi va sud'da muddaasi bo'lishi mumkin.
**Kimga tegishli**
Bu qoida asosiy kompaniya va uning shu'ba tashkilotlari o'rtasidagi munosabatlarni tartibga soladi.
**Amalda**
Masalan, "Toshkent Savdo" kompaniyasi "Samarqand Savdo" kompaniyasining 80% aksiyasiga ega bo'lsa, "Samarqand Savdo" shu'ba bo'ladi. Agar "Samarqand Savdo" qarzga qolib to'lay olmasa, "Toshkent Savdo" uning qarzlarini to'lashga majbur bo'ladi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.