Energiya ta'minoti shartnomasi energiya bilan ta'minlovchi tashkilot tarmoqlariga qonunchilikda belgilangan tartibda ulangan energiya qurilmasi, shuningdek energiya iste'molini hisobga olish uskunalari va asboblari mavjud bo'lgan abonent bilan tuziladi.
Energiya ta'minoti shartnomasiga muvofiq energiyadan turmushda foydalanadigan fuqaro abonent bo'lgan taqdirda, abonent tarmoqqa belgilangan tartibda amalda birinchi marta ulangan paytdan boshlab u bilan shartnoma tuzilgan hisoblanadi.
Energiya ta'minoti shartnomasining muddati tugagach, taraflardan biri uni bekor qilish yoki o'zgartirish haqida ariza bermasa, u shartnomada nazarda tutilgan muddatga va shartlarda uzaytirilgan hisoblanadi. Shartnoma yangi muddatga uzaytirilganida uning shartlari taraflar kelishuviga binoan o'zgartirilishi mumkin.
Agar taraflardan biri shartnomaning amal qilish muddati tugashidan oldin yangi shartnoma tuzish haqida taklif kiritsa, taraflarning o'zaro munosabatlari yangi shartnoma tuzilgunga qadar avval tuzilgan shartnoma bilan tartibga solib turiladi.
lex.uz’dagi asl matn469-modda. Energiya ta'minoti shartnomasini tuzish va muddatini uzaytirish
(469-модданинг биринчи қисми Ўзбекистон Республикасининг 2021 йил 21 апрелдаги ЎРҚ-683-сонли Қонуни таҳририда — Қонунчилик маълумотлари миллий базаси, 21.04.2021 й., 03/21/683/0375-сон)
Oddiy tilda
ENERGIYA TA'MINOTI SHARTNOMASI
Nimani anglatadi
Energiya ta'minoti shartnomasi — bu energiya kompaniyasi va energiya iste'mol qiluvchi odam (abonent) o'rtasidagi kelishuv. Unda energiya berish, to'lash va mas'uliyatlar yoziladi. Shartnoma tuzilib, energiya qurilmasi tarmoqqa ulangandan keyin amal qila boshlaydi.
Kimga tegishli
Bu shartnoma energiya iste'mol qiluvchi har qanday fuqaro va energiya ta'minot tashkilotlari o'rtasida tuziladi.
Amalda
Masalan, siz yangi uyga ko'chib o'tib, elektr quvvati ulantirmoqchi bo'lsangiz, energiya kompaniyasi bilan shartnoma tuzasiz. Unda elektr o'lchaydigan hisoblagich o'rnatiladi va siz har oy energiya uchun to'lasiz. Shartnomaning muddati tugagach, agar hech kim bekor qilmasa, u avtomatik ravishda yangi muddatga uzaytiriladi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.