9-modda. Mehnat organlarining xotin-qizlarni tazyiq va zo'ravonlikdan himoya qilish sohasidagi vakolatlari

Mehnat organlari: xotin-qizlarni tazyiq va zo'ravonlikdan himoya qilish sohasidagi davlat dasturlarini, hududiy dasturlarni hamda qonunchilik hujjatlarini ishlab chiqish va amalga oshirishda ishtirok etadi; ishga joylashtirilmagan xotin-qizlarni hisobga olish, ularning bandligini ta'minlash va ularni ijtimoiy qo'llab-quvvatlash bo'yicha chora-tadbirlarni amalga oshiradi; xotin-qizlarga nisbatan ish joylaridagi tazyiq va zo'ravonlik hollarining oldini olish hamda xotin-qizlar bilan o'zaro munosabatlar madaniyatini yuksaltirish bo'yicha mulk shakllaridan qat'i nazar tashkilotlarda profilaktika tadbirlarini o'tkazadi; ish qidirayotgan va og'ir ijtimoiy ahvolda qolgan, shu jumladan oilaviy muammolarga va zo'rlik ishlatilishiga duch kelgan xotin-qizlar bandligini ta'minlash va kasbga yo'naltirishga ko'maklashish choralarini ko'radi; xotin-qizlarni tazyiq va zo'ravonlikdan himoya qilishni amalga oshiruvchi tegishli vakolatli organlar hamda tashkilotlar bilan hamkorlik qiladi.