105-modda. So'roq qilinuvchiga narsalarni, hujjatlarni va elektron ma'lumotlarni ko'rsatish

So'roq jarayonida surishtiruvchi, tergovchi va sud, shuningdek sud muhokamasida taraflar ishga qo'shib qo'yilgan yoki taraflar ixtiyorida bo'lgan narsalarni, hujjatlarni va elektron ma'lumotlarni so'roq qilinuvchiga ko'rsatishlari, shuningdek bu hujjatlarni o'qib eshittirishlari mumkin. So'roq bayonnomasida yoki sud majlisi bayonnomasida qanday narsalar yoki hujjatlar yoxud elektron ma'lumotlar ko'rsatilganligi, hujjat matnining qaysi qismi va uning kim tomonidan o'qib eshittirilganligi, narsalarni yoki hujjatlarni yoxud elektron ma'lumotlarni ko'rsatish vaqtida qanday savollar berilganligi va bunga javoban so'roq qilinuvchi qanday ko'rsatuvlar berganligi aniq aks ettirilishi kerak.