23-modda. Bolaning bilim olish huquqi kafolatlari

Har bir bola bilim olish huquqiga ega. Davlat bolaning bepul majburiy umumiy o'rta ta'lim, o'rta maxsus ta'lim va boshlang'ich professional ta'lim olishini kafolatlaydi. Ota-onalar yoki ularning o'rnini bosuvchi shaxslar o'z bolasini shaxsiy e'tiqodlariga muvofiq diniy va axloqiy jihatdan tarbiyalash huquqiga ega. Ota-onalar yoki ularning o'rnini bosuvchi shaxslar tomonidan o'z bolasini qonunga xilof ravishda diniy ta'lim olishga jalb etishga, ya'ni bolani ro'yxatdan o'tkazilmagan yoki litsenziyaga ega bo'lmagan tashkilotlarga yoxud maxsus diniy ma'lumotga ega bo'lmagan va diniy tashkilotlarning O'zbekiston Respublikasi bo'yicha markaziy boshqaruv organining ruxsatisiz diniy ta'limni amalga oshirayotgan shaxslarga diniy ta'lim olish uchun topshirishga yo'l qo'yilmaydi.