Sudning qarzdor yakka tartibdagi tadbirkorni bankrot deb topish va tugatishga doir ish yuritishni boshlash to'g'risidagi qarori hamda undiruvni qarzdorning mol-mulkiga qaratish haqidagi ijro varaqasi qarzdorning mol-mulki sotilishini amalga oshirish uchun davlat ijrochisiga yuboriladi. Ushbu Qonunga muvofiq tugatish massasiga kiritilmaydigan mol-mulkdan tashqari quyidagilar sotilishi lozim:
qarzdor yakka tartibdagi tadbirkorning barcha mol-mulki;
yakka tartibdagi tadbirkor maqomini yo'qotgan qarzdor jismoniy shaxsning o'zining avvalgi tadbirkorlik faoliyati natijasida olingan mol-mulki. Bunda jismoniy shaxs mol-mulkining uning avvalgi tadbirkorlik faoliyatida olingan mol-mulk jumlasiga taalluqliligi yoki avvalgi tadbirkorlik faoliyati bilan bog'liq emasligi sud tomonidan belgilanadi.
Qarzdor yakka tartibdagi tadbirkorning ko'chmas mulkini yoki qimmatli ko'char mol-mulkini doimiy boshqarish zarur bo'lganda sud mazkur maqsadlar uchun tugatish boshqaruvchisini tayinlaydi va unga to'lanadigan haq miqdorini belgilaydi. Bu holda qarzdor yakka tartibdagi tadbirkorning mol-mulki tugatish boshqaruvchisi tomonidan sotiladi.
Qarzdor yakka tartibdagi tadbirkorning bank hisobvarag'idagi va bank plastik kartalaridagi pul mablag'larining qoldig'i, mol-mulkni sotishdan tushgan pul mablag'lari, shuningdek naqd pul mablag'lari qarzdor yakka tartibdagi tadbirkorni bankrot deb topish to'g'risida qaror qabul qilgan sudning depozit hisobvarag'iga kiritiladi.
lex.uz’dagi asl matn«To'lovga qobiliyatsizlik to'g'risida»gi qonun (bankrotlik)
234-modda. Sudning bankrot deb topish va tugatishga doir ish yuritishni boshlash to'g'risidagi qarorini bajarish
Oddiy tilda
**Nimani anglatadi**
Sud yakka tartibdagi tadbirkorni bankrot deb topgach, uning barcha mol-mulki (uy, mashinalar, pul va boshqalar) sotiladi. Sotilgan pul va bank hisobvaraqlari sudning depozit hisobiga qo'yiladi. Agar ko'chmas mulk yoki qimmatli narsalar doimiy boshqarish kerak bo'lsa, sud tugatish boshqaruvchisini tayinlaydi.
**Kimga tegishli**
Bu qaror yakka tartibdagi tadbirkor (shaxsiy tadbirkorlik bilan shug'ullanuvchi) bo'lgan qarzdorga tegishli.
**Amalda**
Akmal shaxsiy tadbirkor bo'lib, qarzga to'lay olmadi. Sud uni bankrot deb topdi. Uning do'koni, mashinasi va bank hisobidagi 50 million so'm sotiladi. Pul sudning depozitiga qo'yiladi va kreditorlarga to'lanadi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.