Agar qarzdorga nisbatan sud sanatsiyasi va (yoki) tashqi boshqaruv tartib-taomili joriy etilmagan bo'lsa, tugatishga doir ish yuritish mobaynida esa qarzdorning to'lov qobiliyati tiklanishi mumkin deb hisoblash uchun asoslar, shu jumladan moliyaviy tahlil ma'lumotlari bilan tasdiqlangan asoslar paydo bo'lsa, tugatish boshqaruvchisi mazkur holatlar aniqlangan paytdan e'tiboran bir oylik muddat ichida sudga tugatishga doir ish yuritishni tugatish va tashqi boshqaruv tartib-taomiliga o'tish to'g'risidagi iltimosnoma bilan murojaat etish haqidagi masalani ko'rib chiqish maqsadida qarzdorning kreditorlari yig'ilishini chaqirishi shart.
Tugatishga doir ish yuritishni tugatish va tashqi boshqaruv tartib-taomiliga o'tish to'g'risidagi iltimosnoma bilan sudga murojaat qilish haqidagi qaror shunday qarorni qabul qilish to'g'risidagi masalani ko'rib chiqayotgan kreditorlar yig'ilishi o'tkazilayotgan paytdagi holatga ko'ra qanoatlantirilmagan kreditorlar talablari umumiy miqdorining ko'pchilik ovozi bilan qabul qilinadi.
Tugatishga doir ish yuritishni tugatish va tashqi boshqaruv tartib-taomiliga o'tish haqidagi iltimosnoma bilan sudga murojaat etish to'g'risidagi kreditorlar yig'ilishining qarorida tashqi boshqaruv tartib-taomilining taklif qilinayotgan muddati va tashqi boshqaruvchilikka nomzod, shuningdek bu nomzod haqidagi ma'lumotlar bo'lishi kerak.
lex.uz’dagi asl matn«To'lovga qobiliyatsizlik to'g'risida»gi qonun (bankrotlik)
157-modda. Tashqi boshqaruv tartib-taomiliga o'tish imkoniyati
Oddiy tilda
Nimani anglatadi
Agar bankrotlik jarayonida qarzdor to'lov qobiliyatini tiklay olsa, tugatish boshqaruvchisi kreditorlarni yig'ilishga chaqiradi. Ular sudga tashqi boshqaruv boshlash to'g'risidagi ariza yuborish haqida qaror qabul qiladi. Bu jarayon qarzdorning moliyaviy holatini yaxshilash imkoniyatini beradi.
Kimga tegishli
Bu huquq tugatish jarayonidagi qarzdor, tugatish boshqaruvchisi va kreditorlarga tegishli.
Amalda
Savdo kompaniyasi qarz to'lay olmay bankrotlik arizasi berdi. Jarayon davomida kompaniya yangi shartnomalar oldi va daromadi oshdi. Tugatish boshqaruvchisi buni aniqladi va kreditorlarni yig'ilishga chaqirdi. Ular tashqi boshqaruv boshlashga rozilashdi, kompaniya esa eski qarzlarini to'lay boshladi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.