O'zbekiston Respublikasining bojxona hududiga ilgari olib kirilgan tovarlar va transport vositalarini bojxona hududidan tashqariga belgilangan muddatlarda olib chiqmaslik, agar ularni qaytarib olib chiqish shart bo'lsa, —
bazaviy hisoblash miqdorining besh baravari miqdorida jarima solishga sabab bo'ladi.
Xuddi shunday huquqbuzarlik ma'muriy jazo chorasi qo'llanilganidan keyin bir yil davomida takror sodir etilgan bo'lsa, —
fuqarolarga bazaviy hisoblash miqdorining o'n baravaridan o'n besh baravarigacha, mansabdor shaxslarga esa — o'n besh baravaridan o'ttiz baravarigacha miqdorda jarima solishga sabab bo'ladi.
Ilgari olib kirilgan tovarlar va transport vositalarini olib chiqmaganlik uchun ma'muriy jazo chorasi qo'llanilganidan keyin o'ttiz kun ichida ularni O'zbekiston Respublikasining bojxona hududidan tashqariga olib chiqmaslik, agar bunday olib chiqish shart bo'lsa, —
tovarlarni va transport vositalarini musodara qilishga sabab bo'ladi.
Ilgari olib chiqib ketilgan tovarlar va transport vositalarini O'zbekiston Respublikasining bojxona hududiga belgilangan muddatlarda qaytarib olib kirmaslik, agar bunday qaytarib olib kirish shart bo'lsa, —
fuqarolarga bazaviy hisoblash miqdorining besh baravaridan o'n baravarigacha, mansabdor shaxslarga esa — yetti baravaridan o'n besh baravarigacha miqdorda jarima solishga sabab bo'ladi.
Ushbu moddaning to'rtinchi qismida nazarda tutilgan huquqbuzarlikni ma'muriy jazo chorasi qo'llanilganidan keyin bir yil davomida takror sodir etish —
fuqarolarga bazaviy hisoblash miqdorining o'n baravaridan o'n besh baravarigacha, mansabdor shaxslarga esa — o'n besh baravaridan o'ttiz baravarigacha miqdorda jarima solishga sabab bo'ladi.
O'zbekiston Respublikasining bojxona hududiga ilgari olib kirilgan transport vositasini O'zbekiston Respublikasining bojxona hududidan tashqariga belgilangan muddatda olib chiqmagan shaxs qonunchilikda belgilangan yig'imni o'z ixtiyori bilan bir ish kuni ichida to'lagan taqdirda, javobgarlikdan ozod etiladi.
lex.uz’dagi asl matn227¹⁶-modda. Tovarlar va transport vositalarini O'zbekiston Respublikasining bojxona hududidan tashqariga olib chiqmaslik yoki ularni ushbu hududga qaytarib olib kirmaslik
(227¹⁶-модда биринчи қисмининг санкцияси Ўзбекистон Республикасининг 2021 йил 4 октябрдаги ЎРҚ-720-сонли Қонуни таҳририда — Қонунчилик маълумотлари миллий базаси, 05.10.2021 й., 03/21/720/0930-сон — 2022 йил 6 январдан кучга киради)
Oddiy tilda
**Nimani anglatadi**
Bu qoida odam yoki tashkilot tovarlar va mashinalarni O'zbekiston chegarasidan tashqariga olib chiqish yoki qaytarib kirish muddatlarini buzsa, jarima to'lashi kerakligini aytadi. Agar odam belgilangan vaqtda tovarni olib chiqmasa yoki qaytarib kelmasa, unga pul jarima yoki tovar musodara qilinadi.
**Kimga tegishli**
Bu qoida har qanday fuqaro va mansabdor shaxslarga, shuningdek tashkilotlarga tegishli.
**Amalda**
Savdogar tovarni O'zbekistonga olib kirdi, lekin belgilangan 30 kunlik muddatda olib chiqmadi. Unga jarima to'lash kerak. Agar u 1 kun ichida belgilangan summani to'lasa, jarima bekor qilinadi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.