Ijtimoiy sheriklikning birlamchi darajasida jamoaviy mehnat nizosi yuzaga kelgan taqdirda, jamoaviy mehnat nizosi boshlangan kundan e'tiboran ikki ish kunigacha bo'lgan muddatda, ijtimoiy sheriklikning boshqa darajalarida jamoaviy mehnat nizosi yuzaga kelgan taqdirda esa jamoaviy mehnat nizosi boshlangan kundan e'tiboran uch ish kunigacha bo'lgan muddatda yarashtirish komissiyasi tuziladi.
Jamoaviy mehnat nizosini ijtimoiy sheriklikning birlamchi darajasida hal etish chog'ida yarashtirish komissiyasini tuzish haqidagi qaror ish beruvchining tegishli buyrug'i (farmoyishi) va kasaba uyushmasi qo'mitasining qarori bilan rasmiylashtiriladi.
Ijtimoiy sheriklikning boshqa darajalarida jamoaviy mehnat nizolarini hal etish chog'ida yarashtirish komissiyalarini tuzish to'g'risidagi qarorlar tegishli darajadagi ish beruvchilar vakillarining va xodimlar vakillarining tegishli hujjatlari (buyrug'i, farmoyishi, qarori) bilan rasmiylashtiriladi.
Yarashtirish komissiyasi jamoaviy mehnat nizosi taraflarining vakillaridan teng asosda shakllantiriladi.
Ish beruvchi (ish beruvchilarning vakili) yarashtirish komissiyasining ishi uchun zarur shart-sharoitlarni yaratadi.
Ijtimoiy sheriklikning birlamchi darajasidagi jamoaviy mehnat nizosi yarashtirish komissiyasi tomonidan besh ish kunigacha bo'lgan muddatda, ijtimoiy sheriklikning boshqa darajalaridagi jamoaviy mehnat nizosi esa yarashtirish komissiyasini tuzish haqida tegishli hujjatlar qabul qilingan kundan e'tiboran o'n ish kunigacha bo'lgan muddatda ko'rib chiqilishi kerak.
Yarashtirish komissiyasining qarori jamoaviy mehnat nizosi taraflarining kelishuvi asosida qabul qilinadi, bayonnoma bilan rasmiylashtiriladi, bu nizo taraflari uchun majburiy kuchga ega hamda yarashtirish komissiyasining qarorida belgilangan tartibda va muddatlarda ijro etiladi.
Yarashtirish komissiyasida kelishuvga erishilmagan taqdirda, jamoaviy mehnat nizosining taraflari kelishmovchiliklarning bayonnomasini tuzadi va jamoaviy mehnat nizosini mediator ishtirokida ko'rib chiqish to'g'risida muzokaralarga kirishadi.
Agar kelishmovchiliklar bayonnomasi tuzilganidan keyin uch ish kuni ichida jamoaviy mehnat nizosining taraflari muzokaralarga kirishmasa, jamoaviy nizoni mediator ishtirokida ko'rib chiqish haqidagi masala taraflar kelishuvga erishmaganligi sababli olib tashlanadi. Bu holda taraflar nizoni mehnat arbitrajiga ko'rib chiqish uchun topshirish to'g'risidagi muzokaralarga o'tadi.
lex.uz’dagi asl matn574-modda. Jamoaviy mehnat nizosini yarashtirish komissiyasi tomonidan hal etish (tartibga solish)
Oddiy tilda
**Nimani anglatadi**
Jamoaviy mehnat nizosi (ish beruvchi va xodimlar o'rtasidagi kelishmovchilik) yuzaga kelganda, uni hal etish uchun maxsus komissiya tuziladi. Bu komissiya ikkala tomonning vakillari teng miqdorda ishtirok etadi. Komissiya belgilangan vaqt ichida (birlamchi darajada 5 ish kuni) nizoni hal etishga harakat qiladi.
**Kimga tegishli**
Bu tartib ish beruvchi va xodimlar o'rtasidagi jamoaviy nizolarni hal etishda qo'llaniladi.
**Amalda**
Zavodda ishchilar ish vaqti uzaytirilishi haqida norozilashdi. Ish beruvchi va kasaba uyushmasi 2 ish kuni ichida yarashtirish komissiyasini tuzdi. Komissiya 5 ish kuni ichida muzokaralar o'tkazib, ikkala tomonning kelishuviga asosan nizoni hal etdi va bayonnoma tuzdi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.