Soat 22-00 dan to soat 6-00 gacha bo'lgan vaqt tungi vaqt hisoblanadi.
Agar xodim uchun belgilangan har kungi ish (smena) davomiyligining kamida yarmi tungi vaqtga to'g'ri kelsa, tungi vaqtdagi ishning davomiyligi ish haftasining davomiyligi tegishli ravishda qisqartirilgan, keyinchalik ishlab berilmagan holda bir soatga qisqartiriladi.
Agar jamoa shartnomasida boshqacha qoida nazarda tutilmagan bo'lsa, ish vaqtining qisqartirilgan davomiyligi belgilangan xodimlar uchun, shuningdek tungi vaqtda ishlashga maxsus qabul qilingan xodimlar uchun tungi vaqtdagi ishning (smenaning) davomiyligi qisqartirilmaydi.
Mehnat sharoitlariga ko'ra zarur bo'lgan hollarda, shuningdek olti kunlik ish haftasidagi smenali ishlarda tungi vaqtdagi ishning davomiyligi kunduzgi vaqtdagi ishning davomiyligi bilan tenglashtiriladi. Mazkur ishlar ro'yxati jamoa shartnomasida, agar u tuzilmagan bo'lsa, ish beruvchi tomonidan kasaba uyushmasi qo'mitasi bilan kelishuvga ko'ra belgilanishi mumkin.
Xodimlarni tungi vaqtdagi ishga jalb etish ushbu Kodeks 396-moddasining ikkinchi qismida, 417-moddaning birinchi qismida va 428-moddasida belgilangan cheklovlarga rioya etilgan holda amalga oshiriladi.
Tungi vaqtdagi mehnatga haq to'lash ushbu Kodeksning 264-moddasiga muvofiq amalga oshiriladi.
lex.uz’dagi asl matn188-modda. Tungi vaqtdagi ishning davomiyligi
Oddiy tilda
**Tungi vaqtdagi ishning davomiyligi**
**Nimani anglatadi**
Tungi vaqt soat 22-00 dan soat 6-00 gacha bo'lgan vaqtdir. Agar xodimning kunlik ishi yarmi yoki undan ko'proq tungi vaqtga to'g'ri kelsa, uning ish vaqti bir soatga qisqartiriladi. Bu qisqartirish xodimga to'liq maosh berilgan holda amalga oshiriladi.
**Kimga tegishli**
Bu qoida barcha xodimlarni tungi vaqtda ishlashda himoya qiladi, lekin jamoa shartnomasida boshqacha ko'rsatilgan bo'lsa yoki xodim maxsus tungi ishga qabul qilingan bo'lsa, qisqartirish tadbiq etilmasligi mumkin.
**Amalda**
Agar xodim soat 20-00 dan 4-00 gacha 8 soat ishlasa, uning 4 soati tungi vaqtga to'g'ri keladi. Demak, ish vaqti 7 soatga qisqartiriladi, lekin maoshi o'zgarishsiz qoladi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.