«Biznesga litsenziyasiz kirish» maxsus rejimi doirasida talabgor faoliyatning litsenziyalanadigan turini yoki amalga oshirilishi uchun ruxsat etish xususiyatiga ega hujjat olish talab etiladigan faoliyat (harakatlar) turini maxsus elektron tizim yoki YaIDXP orqali vakolatli organga bepul tarzda xabar bergan holda, litsenziya yoki ruxsat etish xususiyatiga ega hujjat olmasdan amalga oshirishi mumkin.
«Biznesga litsenziyasiz kirish» maxsus rejimining amal qilish muddati uch oy bo'lib, ushbu muddat davomida talabgor muayyan faoliyatni (harakatni) litsenziyasiz yoki ruxsat etish xususiyatiga ega hujjatsiz amalga oshirganlik uchun javobgarlikka tortilmaydi.
Talabgor «Biznesga litsenziyasiz kirish» maxsus rejimining amal qilish muddati davomida:
o'z faoliyatini (harakatlarini) litsenziya yoki ruxsat berish talablariga va shartlariga muvofiqlashtirish choralarini ko'radi;
tegishli litsenziyani yoki ruxsat etish xususiyatiga ega hujjatni belgilangan tartibda oladi yoxud mazkur faoliyatni (harakatlarni) tugatadi.
«Biznesga litsenziyasiz kirish» maxsus rejimi amal qiladigan faoliyatning litsenziyalanadigan turi va amalga oshirilishi uchun ruxsat etish xususiyatiga ega hujjat olish talab etiladigan faoliyat (harakatlar) turi O'zbekiston Respublikasi Vazirlar Mahkamasi tomonidan tasdiqlanadigan faoliyatning ayrim turlarini litsenziyalash hamda ruxsat berish tartib-taomillaridan o'tish tartibi to'g'risidagi nizomlarda, shuningdek ularning pasportlarida belgilanadi.
lex.uz’dagi asl matn«Litsenziyalash, ruxsat berish va xabardor qilish tartib-taomillari to'g'risida»gi qonun
28¹-modda. Litsenziyani yoki ruxsat etish xususiyatiga ega hujjatni «Biznesga litsenziyasiz kirish» maxsus rejimi doirasida olishning o'ziga xos xususiyatlari
(28¹-модда Ўзбекистон Республикасининг 2026 йил 13 августдаги ЎРҚ-1164-сонли Қонунига асосан киритилган — Қонунчилик маълумотлари миллий базаси, 14.08.2026 й., 03/26/1164/0838-сон)
Oddiy tilda
**Nimani anglatadi**
"Biznesga litsenziyasiz kirish" rejimi — yangi tadbirkorlar ba'zi faoliyatlarni litsenziya yoki ruxsat olmasdan boshlashi mumkin bo'lgan imkoniyat. Ushbu rejim uch oy davomida amal qiladi. Bu vaqt ichida tadbirkor litsenziya olish yoki faoliyatni to'xtatish uchun vaqt topadi.
**Kimga tegishli**
Bu rejim litsenziyalangan yoki ruxsat etish xususiyatiga ega hujjat talab qiladigan faoliyatni boshlashni xohlayotgan yangi tadbirkorlarga tegishli.
**Amalda**
Masalan, yangi restoran ochmoqchi bo'lgan shaxs elektron tizim orqali xabardor qiladi va uch oy davomida litsenziyasiz ishlashi mumkin. Bu vaqtda u litsenziya olish hujjatlarini tayyorlaydi yoki faoliyatni tugatadi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.