Himoyachi, shuningdek jabrlanuvchining, fuqaroviy da'vogarning yoki fuqaroviy javobgarning vakili quyidagi hollarda jinoyat ishini yuritishda ishtirok etishga haqli emas, basharti u:
1) ilgari shu ish bo'yicha sudya, xalq maslahatchisi, prokuror, tergovchi, surishtiruvchi tergovga qadar tekshiruvni amalga oshiruvchi organning mansabdor shaxsi, sud majlisining kotibi, guvoh, ekspert, mutaxassis, tarjimon yoki xolis sifatida ishtirok etgan bo'lsa;
2) ushbu ishning tergovida yoki sudda ko'rilishida ishtirok etgan yoxud ishtirok etayotgan sudya, prokuror, tergovchi, surishtiruvchi yoki sud majlisining kotibi bilan qarindoshlik munosabatida bo'lsa yoxud yuridik yordam ko'rsatish to'g'risida u bilan bitim tuzgan protsess ishtirokchisining manfaatlariga manfaati qarama-qarshi bo'lgan shaxs bilan qarindoshlik munosabatida bo'lsa;
3) sudya, prokuror, tergovchi, surishtiruvchi lavozimida bo'lsa, quyidagi hollar bundan mustasno: basharti u muomalaga layoqatsiz shaxslarning vakili bo'lsa yoki o'zi ishlaydigan va fuqaroviy da'vogar deb e'tirof etilgan yoki fuqaroviy javobgar tariqasida ishga jalb qilingan muassasaning vakili sifatida qatnashsa;
4) o'z himoyasidagi gumon qilinuvchining, ayblanuvchining, sudlanuvchining yoki o'zi vakillik qilayotgan jabrlanuvchining, fuqaroviy da'vogarning, fuqaroviy javobgarning manfaatlariga manfaati qarama-qarshi bo'lgan shaxsga yuridik yordam ko'rsatayotgan yoki muqaddam shunday yordam ko'rsatgan bo'lsa.
lex.uz’dagi asl matn79-modda. Himoyachining, jabrlanuvchi, fuqaroviy da'vogar yoki fuqaroviy javobgar vakilining ishda ishtirok etishiga monelik qiladigan holatlar
(79-модданинг 1-банди Ўзбекистон Республикасининг 2017 йил 6 сентябрдаги ЎРҚ-442-сонли Қонуни таҳририда — ЎР ҚҲТ, 2017 й., 36-сон, 943-модда)
Oddiy tilda
**Himoyachi va vakillarning ishda ishtirok etishiga monelik qiladigan holatlar**
**Nimani anglatadi**
Bu modda himoyachi va boshqa vakillarning jinoyat ishida qatnasha olmaydigan vaziyatlarni sanab beradi. Agar vakil oldin shu ishda sudya, prokuror yoki guvoh bo'lgan bo'lsa, yoki ishning boshqa tomonining manfaatiga zid bo'lsa, u ushbu ishda vakil bo'la olmaydi. Shuningdek, agar vakil boshqa shaxsga yuridik yordam bersa va bu manfaatlar qarama-qarshi bo'lsa, u ham ishda qatnasha olmaydi.
**Kimga tegishli**
Bu qoida himoyachi, jabrlanuvchi vakili, fuqaroviy da'vogar va fuqaroviy javobgarning vakillariga tegishli.
**Amalda**
Agar advokat oldin shu jinoyat ishida guvoh sifatida so'z bergan bo'lsa, u keyin shu ishda ayblanuvchining himoyachisi bo'la olmaydi. Yoki agar advokat bir vaqtning o'zida ikki tomonning manfaatiga zid bo'lgan shaxslarga yordam bersa, u bunday ishda qatnasha olmaydi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.