Muomalaga layoqatsiz yoki muomala layoqati cheklangan shaxslarning huquqlari va qonun bilan qo'riqlanadigan manfaatlarini sudda ularning qonuniy vakillari (ota-onalari, ularni farzandlikka olganlar, vasiylar, homiylar) himoya qiladi.
Belgilangan tartibda bedarak yo'qolgan deb topilgan fuqaro ishtirok etishi lozim bo'lgan ish bo'yicha uning vakili sifatida mazkur fuqaroning mol-mulkini qo'riqlash va boshqarish uchun tayinlangan shaxs qatnashadi.
Vafot etgan yoki belgilangan tartibda vafot etgan deb e'lon qilingan shaxsning merosxo'ri ishtirok etishi kerak bo'lgan ish bo'yicha, agar merosni hali hech kim qabul qilib olmagan bo'lsa, vasiy, homiy, yoxud meros mol-mulkni saqlash va boshqarish uchun tayinlangan saqlovchi shaxs merosxo'rning vakili sifatida qatnashadi.
Qonuniy vakil sudda ish olib borishni o'zi vakil sifatida tanlagan boshqa shaxsga topshirish huquqiga ega.
O'n to'rt yoshga to'lmagan voyaga yetmagan shaxsning, muomalaga layoqatsiz yoki bedarak yo'qolgan deb topilgan shaxsning qonuniy vakili vakillik qilinayotgan shaxsning huquqlari va qonun bilan qo'riqlanadigan manfaatlariga taalluqli ishlar ko'rib chiqilayotganda uning manfaatlarini ko'zlab barcha protsessual harakatlarni amalga oshiradi.
O'n to'rt yoshdan o'n sakkiz yoshgacha bo'lgan voyaga yetmagan shaxsning, muomala layoqati cheklangan deb topilgan shaxsning qonuniy vakili ishlar ko'rib chiqilayotganda shu shaxsning manfaatlarini ko'zlab barcha protsessual harakatlarni cheklangan huquqlar doirasida amalga oshiradi.
lex.uz’dagi asl matn66-modda. Qonuniy vakillik
Oddiy tilda
QONUNIY VAKILLIK
Nimani anglatadi
Qonuniy vakillik — bu ota-ona, vasiy, homiy kabi qonun bilan belgilangan shaxslar tomonidan sudda boshqa odamning huquqlari va manfaatlarini himoya qilish. Bu vakillik avtomatik ravishda qonun asosida paydo bo'ladi, shunday qilib voyaga yetmaganlar, aqliy kasalligi bor yoki bedarak yo'qolgan odamlar sudda o'z huquqlarini himoya qila oladi.
Kimga tegishli
Qonuniy vakillik voyaga yetmaganlar, muomalaga layoqatsiz yoki bedarak yo'qolgan deb topilgan shaxslarga tegishli.
Amalda
Ota-onasi vafot etgan 12 yoshli bola merosxo'rlik ishida qatnashishi kerak bo'lsa, vasiy uni vakil sifatida sudga olib boradi va uning huquqlarini himoya qiladi. Yoki aqliy kasalligi bor kishi bilan shartnoma tuzilgan bo'lsa, uning homiysi sudda shu shartnomani bekor qilish uchun ish olib boradi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.