Korxonalar, muassasalar, tashkilotlar, jamoat birlashmalarining qarorlari va ular mansabdor shaxslarining harakatlari (harakatsizligi) yuzasidan nizolashish to'g'risidagi da'vo arizasi ushbu Kodeksning 189-moddasida nazarda tutilgan talablarga muvofiq bo'lishi kerak.
Da'vo arizasida quyidagilar ham ko'rsatilishi kerak:
1) nizolashilayotgan qarorni qabul qilgan korxona, muassasa, tashkilot, jamoat birlashmasining nomi yoki nizolashilayotgan harakatlarni (harakatsizlikni) sodir etgan mansabdor shaxsning familiyasi va ism-sharifining bosh harflari;
2) nizolashilayotgan qarorning nomi, raqami, qabul qilingan sanasi, nizolashilayotgan harakatlar (harakatsizlik) sodir etilgan sana va joy;
3) da'vogarning fikriga ko'ra, nizolashilayotgan qaror, harakatlar (harakatsizlik) tufayli buzilayotgan o'z huquqlari, erkinliklari va qonuniy manfaatlari to'g'risidagi ma'lumotlar;
4) da'vogarning fikriga ko'ra, nizolashilayotgan qaror, harakatlar (harakatsizlik) qaysi qonunchilikka zid bo'lsa, o'sha qonunchilik;
5) da'vogarning qarorni haqiqiy emas, harakatlarni (harakatsizlikni) qonunga xilof deb topish to'g'risidagi talabi.
Da'vo arizasiga ushbu Kodeksning 191-moddasida ko'rsatilgan hujjatlar, shuningdek nizolashilayotgan qarorning matni ilova qilinadi.
lex.uz’dagi asl matn270³-modda. Korxonalar, muassasalar, tashkilotlar, jamoat birlashmalarining qarorlari va ular mansabdor shaxslarining harakatlari (harakatsizligi) yuzasidan nizolashish to'g'risidagi da'vo arizasining shakli hamda mazmuni
(270³-модда иккинчи қисмининг 4-банди Ўзбекистон Республикасининг 2021 йил 21 апрелдаги ЎРҚ-683-сонли Қонуни таҳририда — Қонунчилик маълумотлари миллий базаси, 21.04.2021 й., 03/21/683/0375-сон)
Oddiy tilda
**Nimani anglatadi**
Korxona, muassasa yoki tashkilot qabul qilgan qaror yoki mansabdor shaxsning harakati sizning huquqingizni buzsa, siz sudga da'vo arizasi yuborishingiz mumkin. Da'vo arizasida nizolashilayotgan qaror va harakatning to'liq ma'lumotlarini, qaysi huquqingiz buzilganini va qaysi qonunga zid ekanligini yozish kerak.
**Kimga tegishli**
Bu modda korxonalar, muassasalar, tashkilotlar va jamoat birlashmalarining qarorlari hamda ularning mansabdor shaxslarining harakatlari (harakatsizligi) bilan nizolashish to'g'risidagi da'volar uchun qo'llaniladi.
**Amalda**
Masalan, siz ishchi bo'lib, direktor sizi haqsiz ravishda ishdan chiqarsa, sudga da'vo arizasi yuborishingiz mumkin. Arizasida direktor va tashkilot nomi, chiqarish qarorining sanasi, qaysi qonunga zid ekanligini va o'zingizning buzilgan huquqlaringizni ko'rsatishingiz kerak.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.