9-modda. Bank sirini tashkil etuvchi ma'lumotlarni prokuratura, dastlabki tergov, surishtiruv organlariga va tezkor-qidiruv faoliyatini amalga oshiruvchi organlarga taqdim etish

(9-модда Ўзбекистон Республикасининг 2021 йил 28 июндаги ЎРҚ-697-сонли Қонуни таҳририда — Қонунчилик маълумотлари миллий базаси, 29.06.2021 й., 03/21/697/0607-сон)

Bank sirini tashkil etuvchi ma'lumotlar prokurorning sanktsiyasi bilan quyidagilarga taqdim etiladi: prokuratura, dastlabki tergov va surishtiruv organlariga ularning ish yurituvidagi jinoyat ishlari bo'yicha holatlarni aniqlash, shuningdek yetkazilgan zararni undirishni yoki mol-mulkni xatlashni ta'minlash maqsadida — tergovchining yoxud surishtiruvchining asoslantirilgan qaroriga ko'ra; tezkor-qidiruv faoliyatini amalga oshiruvchi organlarga ularning ish yurituvidagi tezkor-qidiruv ishlari bo'yicha o'z zimmasiga yuklatilgan vazifalarni bajarish maqsadida — tezkor-qidiruv faoliyatini amalga oshiruvchi organ rahbari tomonidan tasdiqlangan asoslantirilgan qaror asosida. Prokuratura, dastlabki tergov, surishtiruv organlari va tezkor-qidiruv faoliyatini amalga oshiruvchi organlar o'z ish yurituvidagi jinoyat ishlari va tezkor-qidiruv ishlari bo'yicha banklarda hisobvaraqlar mavjudligi to'g'risidagi ma'lumotlarni O'zbekiston Respublikasi Markaziy bankining ma'lumotlar bazasidan avtomatlashtirilgan rejimda olishi mumkin.

lex.uz’dagi asl matn

Oddiy tilda

**Nimani anglatadi** Bank sirini tashkil etuvchi ma'lumotlar — bu bankda saqlanayotgan shaxsiy moliyaviy ma'lumotlar. Ularni prokuratura, tergov va qidiruv organlariga jinoyat ishlari bo'yicha faqat prokurorning ruxsati bilan berish mumkin. Ushbu ma'lumotlar jinoyatni aniqlash, zararni undirishda yoki mol-mulkni xatlashda kerak bo'ladi. **Kimga tegishli** Ushbu qoida banklar, prokuratura, tergov va tezkor-qidiruv organlariga tegishli. **Amalda** Agar jinoyat ishlari bo'yicha tergovchi bankda shaxsning hisobi mavjudligini bilish kerak bo'lsa, u prokurordan ruxsat olib, bank sirini tashkil etuvchi ma'lumotlarni so'rashi mumkin. Markaziy bank avtomatlashtirilgan tizim orqali ushbu ma'lumotlarni tezda taqdim etadi.

Izoh sun’iy intellekt tomonidan tayyorlangan, rasmiy sharh emas.

Sizning vaziyatingiz shu moddaga mos keladimi?

Bepul so‘rang — vaziyatingizni o‘z so‘zlaringiz bilan yozing

Bepul rejada oyiga 10 ta savol. Karta talab qilinmaydi.

Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.