Агар ушбу Қонуннинг 221-моддасига мувофиқ қаноатлантирилиши керак бўлган жорий мажбуриятларга доир талабларнинг, кредиторларнинг талаблари реестрига киритилган биринчи ва иккинчи навбатдаги кредиторлар талабларининг тўлиқ қаноатлантирилиши назарда тутилган бўлса, кредиторлар йиғилиши томонидан маъқулланган жисмоний шахснинг қарзини таркибий жиҳатдан ўзгартириш режаси суд томонидан тасдиқланиши лозим.
Агар кредиторлар йиғилиши томонидан жисмоний шахснинг қарзини таркибий жиҳатдан ўзгартириш режаси маъқулланмаган бўлса, жисмоний шахснинг тўловга қобилиятсизлиги тўғрисидаги ишда иштирок этувчи шахс мазкур режани маромига етказиш учун қўшимча муддат бериш ҳақидаги илтимоснома билан судга мурожаат этганда, суд жисмоний шахснинг қарзини таркибий жиҳатдан ўзгартириш режасини тасдиқлаш ҳақидаги масалани кўриб чиқишни кейинга қолдириши мумкин.
Жисмоний шахснинг қарзини таркибий жиҳатдан ўзгартириш режасини маромига етказиш учун суд томонидан тақдим этилган қўшимча муддат икки ойдан кўп бўлиши мумкин эмас.
Суд жисмоний шахснинг қарзини таркибий жиҳатдан ўзгартириш режасини кўриб чиқиш натижаларига кўра қуйидаги қарорлардан бирини қабул қилади:
жисмоний шахснинг қарзини таркибий жиҳатдан ўзгартириш режасини тасдиқлаш тўғрисидаги ажримни;
жисмоний шахснинг қарзини таркибий жиҳатдан ўзгартириш режасини тасдиқлашни рад этиш ҳақидаги, шунингдек жисмоний шахсни банкрот деб топиш ва унинг мол-мулкини сотиш тартиб-таомилини жорий этиш тўғрисидаги қарорни.
Агар жисмоний шахснинг қарзини таркибий жиҳатдан ўзгартириш режаси кредиторлар йиғилиши томонидан маъқулланмаса, суд ушбу режани қуйидаги ҳолатларда тасдиқлашга ҳақли:
режани амалга ошириш жисмоний шахснинг барча кредиторлари талабларини тўлиқ ҳажмда қаноатлантириш имконини берганда;
жисмоний шахснинг мол-мулкини сотиш натижасида, шунингдек унинг ўртача олти ойлик даромади миқдори кредитор ва тегишли ваколатли орган талабларининг камида эллик фоизини қаноатлантирганда.
Ушбу моддада назарда тутилган суд ҳужжатлари устидан шикоят берилиши (протест келтирилиши) мумкин.
lex.uz’dagi asl matn«Тўловга қобилияцизлик тўғрисида»ги қонун (банкротлик)
211-modda. Жисмоний шахснинг қарзини таркибий жиҳатдан ўзгартириш режасини суд томонидан кўриб чиқиш
Oddiy tilda
ЖИСМОНИЙ ШАХСНИНГ ҚАРЗИНИ ЎЗГАРТИРИШ РЕЖАСИНИ СУДНИНГ КЎРИБ ЧИҚИШИ
Нимани англадади
Бу модда жисмоний шахс (одам) қарзларини тўлаш учун суд орқали маъқулланган режани қўллаш жараёнини белгилайди. Агар кредиторлар йиғилиши режани рад этса ҳам, суд уни тасдиқлаши мумкин — agar режа орқали барча қарзлар тўлиниши ёки камида ярми қаноатланиши мумкин бўлса.
Кимга тегишли
Бу жисмоний шахсларнинг банкротлик ишларида суднинг қарор қабул қилиш тартибини белгилайди.
Аmalда
Одам қарзларини тўлаш режасини тақдим этди. Кредиторлар йиғилиши уни рад этди. Лекин суд режани кўриб чиқди ва ўша режа орқали барча қарзларнинг камида ярмисини тўлаш мумкин эканини аниқлади. Суд режани тасдиқлади ва одам банкрот деб топилмади.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.