6-band. II. Жамғарманинг асосий вазифалари ва функциялари — 6-банд

Жамғарма қўйилган вазифаларни бажариш мақсадида қуйидаги функцияларни амалга оширади: белгиланган тартибда жабрланувчиларга компенсация тўловлари тўлайди, шунингдек регресс талабларни амалга оширади; суғурталовчилар томонидан қонунчиликка мувофиқ кўрсатиб ўтилган сийловларни олиш ҳуқуқига эга бўлган шахслар тоифаларига берилган суғурта мукофотлари бўйича сийловларни компенсация қилади; мажбурий суғурта қилиш билан боғлиқ масалалар ва низолар юзасидан ҳуқуқий маслаҳат хизматини, йўл-транспорт ҳодисаси тўғрисидаги хабарнома билан боғлиқ аджастерлик ва баҳолаш хизматини буюртма асосида тўлов эвазига кўрсатади. Жамғарманинг ўз ваколатларини амалга ошириши учун зарур бўлган ахборотларни махсус ваколатли давлат органи билан доимий равишда айирбошлайди; суғурталовчилар билан мажбурий суғурта қилиш, қонунчиликда белгиланган суғурта сири тўғрисидаги талаблар таъминланиши тўғрисидаги маълумотларни айирбошлайди; Жамғарма маблағлари тушуми ва сарфи бўйича йиллик ва чораклик прогнозларни шакллантиради; транспорт воситалари эгаларининг фуқаролик жавобгарлигини мажбурий суғурта қилиш тўғрисидаги қонунчиликни такомиллаштиришга оид таклифларни ишлаб чиқади ва махсус ваколатли давлат органига кўриб чиқиши учун киритади; мажбурий суғурта қилиш соҳасида халқаро алоқаларни амалга оширади, хорижий тажрибани ўрганади ва ундан фойдаланади. Жамғарма ўз вазифалари ва қонунчиликка мувофиқ бошқа функцияларни ҳам амалга ошириши мумкин.