Юридик ва жисмоний шахслар жамиятнинг иштирокчиларидир.
Қонунда айрим тоифадаги жисмоний шахсларнинг жамиятда иштирок этиши тақиқланиши ёки чекланиши мумкин.
Давлат органлари, агар қонунчиликда бошқача қоида белгиланмаган бўлса, жамият иштирокчилари бўлишга ҳақли эмас.
Жамият бир шахс томонидан таъсис этилиши мумкин ва у жамиятнинг ягона иштирокчисига айланади. Жамият кейинчалик бир иштирокчиси бўлган жамиятга айланиши мумкин.
Жамият ягона иштирокчи сифатида битта шахсдан иборат бошқа жамиятга эга бўлиши мумкин эмас, бундан бир акциядордан иборат акциядорлик жамияти жамиятнинг ягона иштирокчиси бўлган ҳоллар мустасно.
Жамият иштирокчиларининг сони эллик кишидан ошмаслиги керак.
Агар жамият иштирокчиларининг сони ушбу модданинг олтинчи қисмида белгиланган меъёрдан ошиб кетса, жамият бир йил ичида акциядорлик жамияти ёки ишлаб чиқариш кооперативи этиб қайта ташкил этилиши керак. Агар кўрсатилган муддат ичида жамият қайта ташкил этилмаса ва жамият иштирокчиларининг сони белгиланган меъёрга қадар камаймаса, у юридик шахсларни давлат рўйхатидан ўтказувчи органнинг мурожаатига асосан суд тартибида тугатилиши керак.
Жамият иштирокчилари ўртасидаги муросасиз зиддиятлар сабабли қарор қабул қилиш учун овозлар сони етарли бўлмаганлиги туфайли жамиятни бошқариш масалалари юзасидан келишувга эришиш имкони бўлмаганда низоли вазият суд томонидан ёки жамият таъсис ҳужжатларида назарда тутилган тақдирда, медиация ёки ҳакамлик суди тартибида ҳал этилади.
lex.uz’dagi asl matn«Масъулияти чекланган жамиятлар тўғрисида»ги қонун
8-modda. Жамият иштирокчилари
Oddiy tilda
ЖАМИЯТ ИШТИРОКЧИЛАРИ
Нимани ангlatadi
Жамиятда иштирок этувчи шахслар — бу юридик ёки жисмоний шахслар бўлиб, улар жамиятга пул ёки мол қўйиб, унинг фаолиятида иштирок этади. Жамиятнинг иштирокчилари сони 50 та кишидан ошмаслиги керак. Агар сони ошиб кетса, жамият бир йил ичида акциядорлик жамияти ёки кооперативга айланиши керак.
Кимга тегишли
Бу қоида жамиятни ташкил этмоқчи ёки унда иштирок этмоқчи бўлган барча юридик ва жисмоний шахсларга тегишли.
Аmalда
Уч дўст биргаликда кичик сотув жамияти ташкил этмоқчи. Улар жамиятга тенг миқдорда пул қўйиб, иштирокчи бўлади. Агар кейинчалик иштирокчилар сони 50 та ошиб кетса, жамиятни акциядорлик жамияти ёки кооперативга ўзгартириши керак.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.