Жамиятнинг ваколатхоналарини очиш ва филиалларини ташкил этиш жамият иштирокчиларининг умумий йиғилишида иштирокчиларнинг камида учдан икки қисмидан иборат кўпчилик овози билан (агар жамиятнинг уставида бундай қарорни қабул қилиш учун овозларнинг бундан кўпроқ сони зарурлиги назарда тутилмаган бўлса) қабул қилинган қарорга биноан амалга оширилади.
Филиал жамият жойлашган ердан ташқарида жойлашган ҳамда унинг барча вазифаларини ёки вазифаларининг бир қисмини, шу жумладан ваколатхонанинг вазифаларини бажарадиган алоҳида бўлинмадир.
Ваколатхона жамият жойлашган ердан ташқарида жойлашган, унинг манфаатларини ифодалайдиган ва ҳимоя қиладиган алоҳида бўлинмадир.
Жамиятнинг ваколатхонаси ва филиали юридик шахс ҳисобланмайди ҳамда жамият томонидан тасдиқланган низом асосида фаолият юритади.
Ваколатхонанинг ёки филиалнинг раҳбари жамият ижро этувчи органининг қарорига асосан тайинланади ва жамият томонидан берилган ишончнома асосида иш юритади.
Агар қонунда бошқача тартиб белгиланмаган бўлса, ваколатхона ва филиал фаолияти учун уларни ташкил этган жамият жавобгар бўлади.
Жамиятнинг ваколатхоналари ва филиаллари Тадбиркорлик субъектларининг ягона давлат реестрида кўрсатилиши шарт.
Жамият томонидан Ўзбекистон Республикасидан ташқарида ваколатхоналар очиш ва филиаллар ташкил этиш, агар Ўзбекистон Республикасининг халқаро шартномасида бошқача қоида назарда тутилмаган бўлса, ваколатхоналар ва филиаллар жойлашган ердаги мамлакатнинг қонунчилигига мувофиқ амалга оширилади.
lex.uz’dagi asl matn«Масъулияти чекланган жамиятлар тўғрисида»ги қонун
6-modda. Жамиятнинг ваколатхоналари ва филиаллари
Oddiy tilda
НИМАНИ АНГЛАДАДИ
Жамиятнинг ваколатхоналари ва филиаллари — бу жамиятнинг ташқи шахарлар ва давлатларда очадиган филиаллари. Филиал жамиятнинг барча ишларини ёки бир қисмини бажарадиган бўлинма. Ваколатхона эса жамиятнинг манфаатларини ҳимоя қиладиган ўринбосар сифатида ишлайди.
КИМГА ТЕГИШЛИ
Бу қоида жамиятнинг иштирокчилари ва раҳбарларига тегишли.
АМАЛДА
Жамият раҳбари Ташкентда жойлашган. Ўзбекистоннинг бошқа шахарларида ишлаш учун жамиятнинг иштирокчилари йиғилиб, овоз берадилар. Агар кўпчилик розилик берса, Самарқанд ёки Бухорода филиал очилади. Бу филиал жамиятнинг номидан ишлайди, лекин ўз юридик шахси йўқ.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.