Жамият қуйидаги ҳолларда ўз фойдасини жамият иштирокчилари ўртасида тақсимлаш тўғрисида қарор қабул қилишга ҳақли эмас:
жамиятнинг бутун устав фонди (устав капитали) тўлиқ тўлангунига қадар;
ушбу Қонунда назарда тутилган ҳолларда жамият иштирокчиси улушининг (улуши бир қисмининг) ҳақиқий қиймати тўлангунига қадар;
агар бундай қарорни қабул қилиш пайтида жамиятда қонунга мувофиқ тўловга қобилиятсизлик аломатлари мавжуд бўлса ёки, агар мазкур аломатлар жамиятда шундай қарор қабул қилиниши натижасида пайдо бўлса;
агар шундай қарорни қабул қилиш пайтида жамият соф активларининг қиймати унинг устав фондидан (устав капиталидан) ва захира фондидан кам бўлса ёки шундай қарор қабул қилиниши натижасида уларнинг миқдоридан камроқ бўлиб қолса;
қонунчиликда назарда тутилган бошқа ҳолларда.
Жамият ўз иштирокчилари ўртасида тақсимланиши тўғрисида қарор қабул қилинган фойдани жамият иштирокчиларига тўлашга қуйидаги ҳолларда ҳақли эмас:
агар тўлаш пайтида жамиятда қонунга мувофиқ тўловга қобилиятсизлик аломатлари мавжуд бўлса ёки, агар мазкур аломатлар жамиятда тўлов натижасида пайдо бўлса;
агар тўлаш пайтида жамиятнинг соф активлари қиймати унинг устав фондидан (устав капиталидан) ва захира фондидан кам бўлса ёки тўлаш натижасида уларнинг миқдоридан камроқ бўлиб қолса;
қонунчиликда назарда тутилган бошқа ҳолларда.
Ушбу модданинг иккинчи қисмида кўрсатилган ҳолатлар тугаганидан кейин жамият ўз иштирокчилари ўртасида тақсимланиши тўғрисида қарор қабул қилинган фойдани тўлаши шарт.
lex.uz’dagi asl matn«Масъулияти чекланган жамиятлар тўғрисида»ги қонун
27-modda. Жамиятнинг фойдасини жамият иштирокчилари ўртасида тақсимлашдаги чекловлар. Жамиятнинг фойдасини жамият иштирокчиларига тўлашдаги чекловлар
Oddiy tilda
ЖАМИЯТНИНГ ФОЙДАСИНИ ТАҚСИМЛАШ ВА ТЎЛАШДАГИ ЧЕКЛОВЛАР
Нимани ангlatadi
Жамият ўз иштирокчиларига фойда беришдан олдин муайян шартларни текшириши керак. Агар жамиятнинг устав фонди тўлиқ тўланмаган бўлса ёки жамиятнинг молиявий ҳолати ёмон бўлса, фойда берилмайди. Жамият фақат мустахкам молиявий асосга эга бўлганда иштирокчиларга фойда тўлай олади.
Кимга тегишли
Бу қоида масъулияти чекланган жамиятларнинг барча иштирокчилари ва жамиятнинг ўзи учун қўлланилади.
Аmalда
Масалан, жамиятнинг устав капитали 100 миллион сўм бўлса, лекин 50 миллион сўм тўланмаган бўлса, жамият фойда тақсимлашга ҳақли эмас. Фойда фақат барча устав капитали тўлиқ тўлангандан кейин берилади.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.