Кредиторларнинг талабига биноан жамият иштирокчисининг қарзлари бўйича ундирувни жамият иштирокчисининг жамият устав фондидаги (устав капиталидаги) улушига (улушининг бир қисмига) қаратишга қарзларни тўлаш учун жамият иштирокчисининг бошқа мол-мулки етарли бўлмаганда, фақат суднинг қарорига асосан йўл қўйилади.
Жамият иштирокчисининг қарзлари бўйича ундирув жамият иштирокчисининг жамият устав фондидаги (устав капиталидаги) улушига қаратилган тақдирда, жамият кредиторларга жамият иштирокчиси улушининг (улуши бир қисмининг) ҳақиқий қийматини тўлашга ҳақли.
Ундирув жамият иштирокчисининг жамият устав фондидаги (устав капиталидаги) улушига қаратилганда ушбу улуш жамият томонидан сотиб олинмаган тақдирда, мол-мулкига ундирув қаратилган жамият иштирокчиси улушининг (улуши бир қисмининг) ҳақиқий қиймати жамият иштирокчилари умумий йиғилишининг жамият барча иштирокчилари томонидан бир овоздан қабул қилинган қарорига биноан кредиторларга жамиятнинг қолган иштирокчилари томонидан, агар жамиятнинг уставида ёки жамият иштирокчиларининг умумий йиғилиши қарорида ҳақ тўлаш миқдорини аниқлашнинг бошқача тартиби назарда тутилмаган бўлса, уларнинг жамият устав фондидаги (устав капиталидаги) улушларига мутаносиб равишда тўланиши мумкин.
Жамият иштирокчисининг жамият устав фондидаги (устав капиталидаги) улушининг (улуши бир қисмининг) ҳақиқий қиймати ундирувни жамият иштирокчисининг қарзлари бўйича унинг улушига (улушининг бир қисмига) қаратиш тўғрисида жамиятга талаб қўйилган санадан олдинги охирги ҳисобот даври учун жамиятнинг молиявий ҳисоботлари маълумотларига асосан аниқланади.
Агар жамият кредиторлари томонидан талаб тақдим этилган пайтдан эътиборан уч ой ичида жамият ёки унинг иштирокчилари ундирув қаратилган жамият иштирокчиси бутун улушининг (бутун улуши бир қисмининг) ҳақиқий қийматини тўламаса, ундирувни жамият иштирокчисининг улушига (улушининг бир қисмига) қаратиш уни очиқ ким ошди савдосида сотиш йўли билан амалга оширилади.
lex.uz’dagi asl matn«Масъулияти чекланган жамиятлар тўғрисида»ги қонун
25-modda. Ундирувни жамият иштирокчисининг жамият устав фондидаги (устав капиталидаги) улушига қаратиш
Oddiy tilda
УНДИРУВ ЖАМИЯТ ИШТИРОКЧИСИНИНГ УЛУШИГА ҚАРАТИШ
Нимани ангlatadi
Агар жамият иштирокчисининг қарзлари бўлса ва унинг бошқа мол-мулки етарли бўлмаса, суд қарори асосида унинг жамиятдаги улушини сотиш орқали қарз тўланади. Улушнинг қиймати жамиятнинг охирги ҳисобот маълумотларидан аниқланади. Агар уч ойда тўланмаса, улуш очиқ аукционда сотилади.
Кимга tegishli
Бу қоида жамият иштирокчисининг қарзларини тўлаш масаласига тегишли.
Amalda
Раҳмат жамиятга 50 миллион сўм қарз қилди. Унинг бошқа мол-мулки йўқ. Суд унинг жамиятдаги улушини сотишга рухсат берди. Улушнинг қиймати 40 миллион сўм деб аниқланди. Уч ойда сотилмаса, аукционда сотилади.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.