Тақиқланган экинларни, яъни кўкнор ёки мойли кўкнор, каннабис ўсимлиги ёхуд таркибида гиёҳвандлик воситалари ёки психотроп моддалар бўлган экинларни қонунга хилоф равишда экиш ёки етиштириш —
базавий ҳисоблаш миқдорининг йигирма беш бараваридан эллик бараваригача миқдорда жарима ёки уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади.
Ўша ҳаракат:
а) такроран, хавфли рецидивист ёки илгари ушбу Кодекснинг 271 — 276⁸-моддаларида назарда тутилган жиноятларни содир этган шахс томонидан;
б) бир гуруҳ шахслар томонидан олдиндан тил бириктириб;
в) ўртача катталикдаги экин майдонида содир этилган бўлса, —
базавий ҳисоблаш миқдорининг эллик бараваридан юз бараваригача миқдорда жарима ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.
Ўша ҳаракат:
а) ўта хавфли рецидивист томонидан;
б) уюшган гуруҳ ёки унинг манфаатларини кўзлаб;
в) катта экин майдонида содир этилган бўлса, —
беш йилдан ўн йилгача озодликдан маҳрум қилиш билан жазоланади.
lex.uz’dagi asl matn270-modda. Тақиқланган экинларни етиштириш
(270-модда биринчи қисмининг диспозицияси Ўзбекистон Республикасининг 2026 йил 11 июндаги ЎРҚ-1151-сонли Қонуни таҳририда — Қонунчилик маълумотлари миллий базаси, 12.06.2026 й., 03/26/1151/0589-сон)
Oddiy tilda
ТАҚИҚЛАНГАН ЭКИНЛАРНИ ЕТИШТИРИШ
Нимани ангlatadi
Бу қонун кўкнор, каннабис ёки бошқа гиёҳвандлик воситалари ўсимлигини экиш ва ўстириш жиноятидир. Қонун бу ишларни қатъий тақиқ қилади, чунки улар жамиятга зарар келтиради. Жиноятнинг оғирлиги экин майдонининг катталигига ва қайта-қайта содир этилишига боғлиқ.
Кимга тегишли
Бу қонун ҳар қандай шахс ёки гуруҳ томонидан қонунга хилоф равишда тақиқланган экинларни экиш ва ўстириш жиноятини содир этганларга қўлланилади.
Амалда
Агар бир фермер махфий жойда каннабис ўсимлигини ўстирса ва ушбу жиноятни биринчи марта содир этса, унга жарима ёки мажбурий жамоат ишлари жазо берилади. Аммо агар уюшган гуруҳ катта майдонда бу ишни қилса, жазо ўта оғир бўлади — беш йилдан ўн йилгача озодликдан маҳрум қилиш.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.