15-band. 2-§. Tashishlarning turlari va ularni tashkil etish — 15-band

Avtobusda: a) yo'lovchilarning mast holda yurishi; b) alkogol va tamaki mahsulotlarini iste'mol qilish; v) haydovchi (konduktor)ning ruxsatisiz oynalarni ochish; g) oynadan tashqariga osilish; d) tez yonuvchan, portlovchi, zaharlovchi, zaharli, qo'lansa, radioaktiv moddalar va ashyolarni, shuningdek qurolni va sovuq qurol sifatida foydalanilishi mumkin bo'lgan ashyolarni ochiq (g'ilofsiz) holda olib yurish; ye) o'lchami 100 sm x 50 sm x 30 santimetrdan katta yoki bitta o'rin uchun og'irligi 60 kilogrammdan ortiq buyumlarni, shuningdek uzunligi 200 santimetrdan ortiq bo'lgan buyumlarni olib yurish; j) salonni yoki yo'lovchilarning kiyimlarini iflos qiluvchi buyumlar va ashyolarni olib yurish; z) tumshuqbog'siz itlar va boshqa hayvonlarni olib yurish taqiqlanadi.