Turar joylarni almashtirish istagida bo'lgan fuqarolar mahalliy ijro etuvchi hokimiyat organlariga belgilangan shaklda arizani topshiradilar.
Mulkdor, ijaraga oluvchi, uy-joy qurish yoki uy-joy kooperativi a'zosining arizasiga quyidagilar ilova qilinadi:
turar joyga bo'lgan huquqni belgilovchi hujjat yoki turar joy orderi;
soliqlar, turar joydan foydalanish xarajatlari va kommunal xizmatlar bo'yicha qarzi yo'qligi to'g'risidagi ma'lumotnoma;
idoraviy uy-joy fondining uyidagi turar joyni almashtirishda — shu fond egasining turar joyni almashtirishga roziligini tasdiqlovchi hujjat yoxud tegishli hollarda — sud qarorining nusxasi;
turar joyning bir qismi almashtirilayotganda shu almashtirilayotgan turar joyda yashash uchun qolayotgan u yoki bu shaxs bilan nikohda bo'lganligi yoki qarindoshligini tasdiqlovchi hujjatlar;
oilaning barcha voyaga yetgan, shu jumladan vaqtincha bo'lmagan a'zolarining, davlat uy-joy fondi uylarida esa, shuningdek ijaraga oluvchi bilan doimiy yashayotgan fuqarolarning yozma roziligi;
homiylik yoki vasiylikka olingan shaxsning foydalanishidagi turar joy almashtirilayotganida homiylik va vasiylik organining roziligi;
turar joyini kooperativ a'zosi bilan almashtirayotgan shaxs kooperativga qabul qilinganligi to'g'risidagi uy-joy qurish yoki uy-joy kooperativi boshqaruvining qaroridan ko'chirma yoxud tegishli hollarda — sud qarorining nusxasi;
bitta kooperativ a'zolari o'rtasida turar joylar almashtirilayotganda — uy-joy qurish yoki uy-joy kooperativi boshqaruvining almashtirishga roziligi to'g'risidagi qaroridan ko'chirma yoxud tegishli hollarda — sud qarorining nusxasi.
Barcha zarur hujjatlar taqdim etilgan kundan boshlab ariza qabul qilingan deb hisoblanadi.
lex.uz’dagi asl matn111-modda. Turar joylarni almashtirish to'g'risida ariza
(111-модданинг биринчи қисми Ўзбекистон Республикасининг 2025 йил 30 декабрдаги ЎРҚ-1109-сонли Қонуни таҳририда — Қонунчилик маълумотлари миллий базаси, 30.12.2025 й., 03/25/1109/1241-сон)
Oddiy tilda
Nimani anglatadi
Turar joyni almashtirishga ariza topshirish — bu fuqaro o'zining uyini boshqa birovning uyi bilan almashtirmoqchi bo'lganda mahalliy hokimiyatga yozma so'rov yuborishi. Ariza bilan birga mulkdor yoki ijara oluvchi turli hujjatlarni taqdim etadi: uy-joy huquqi hujjati, soliq qarzi yo'qligi ma'lumotnamasi, oila a'zolarining rozilik yozmalari va boshqa zarur qog'ozlar.
Kimga tegishli
Bu modda mulkdor, ijara oluvchi, uy-joy kooperativi a'zolari va uy-joy qurish kooperativi a'zolariga tegishli.
Amalda
Ayrim fuqaro davlat uy-joyini almashtirishni xohlasa, ariza bilan birga soliq qarzi yo'qligi ma'lumotnamasi, oila barcha a'zolarining yozma rozilik hujjatlari va sud qarorini taqdim etadi. Hokimiyat barcha hujjatlarni qabul qilgan kundan ariza rasmiy qabul qilingan hisoblanadi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.