I2-47¹-band. V¹. Yo'l-transport hodisasi to'g'risidagi xabarnomani tuzish asoslari va tartibi — I2-47¹-band

Yo'l-transport hodisasi to'g'risidagi xabarnoma yo'l-transport hodisasida ishtirok etgan haydovchilar tomonidan darhol joyning o'zida ichki ishlar organi xodimlarining ishtirokisiz ixtiyoriy ravishda ikki nusxada tuziladi. Yo'l-transport hodisasi to'g'risidagi xabarnoma blankasi sug'urtalovchi tomonidan mustaqil ravishda yoki bosmaxona usulida mazkur Qoidalarga 7¹-ilovada keltirilgan shaklga muvofiq tayyorlanadi. Sug'urta qildiruvchi sug'urtalovchining dasturiy ta'minoti (mobil ilovasi)dan yo'l-transport hodisasi to'g'risidagi xabarnoma blankasini mustaqil ravishda chop etib olish huquqiga ega. Yo'l-transport hodisasi to'g'risidagi xabarnomani tuzish mazkur Qoidalarga 8-ilovada keltirilgan sxemaga muvofiq amalga oshiriladi.