194-modda. Yo'qolgan sud ishini yuritishni tiklashning umumiy qoidalari

Sud yo'qolgan sud ishini yuritishni ishda ishtirok etuvchi shaxslarning, prokurorning arizasiga, shuningdek o'z tashabbusiga ko'ra tiklashi mumkin. Yo'qolgan sud ishini yuritish to'liq yoki uning sud fikriga ko'ra tiklanishi zarur bo'lgan qismi tiklanadi. Sudning hal qiluv qarori yoki ish yuritishni tugatish to'g'risidagi ajrimi, agar ular ish yuzasidan chiqarilgan bo'lsa, tiklanishi shart. Arizachi yo'qolgan sud ishini yuritishni tiklash to'g'risidagi ishni ko'rib chiqish chog'ida sud tomonidan qilingan sud xarajatlarini to'lashdan ozod qilinadi. Bila turib yolg'on ariza berilganda sud xarajatlari arizachidan undirib olinadi.