86²-modda. Atrof-muhit davlat monitoringi tizimining yagona geoaxborot ma'lumotlar bazasidan foydalanish talablarini buzish

Avtomatik monitoring stantsiyalarini, shuningdek chang-gaz tozalash qurilmalarini o'rnatish to'g'risidagi qonunchilikda nazarda tutilgan majburiyatlarni bajarmaslik, Atrof-muhit davlat monitoringi tizimining yagona geoaxborot ma'lumotlar bazasiga avtomatik monitoring stantsiyalarini integratsiya qilmaslik, ushbu bazaga ma'lumotlarni kiritmaslik, o'z vaqtida yoki to'liq kiritmaslik, noto'g'ri ma'lumotlarni kiritish, — mansabdor shaxslarga bazaviy hisoblash miqdorining yigirma baravaridan o'ttiz baravarigacha miqdorda jarima solishga sabab bo'ladi. Xuddi shunday huquqbuzarlik ma'muriy jazo chorasi qo'llanilganidan keyin bir yil davomida takror sodir etilgan bo'lsa, — mansabdor shaxslarga bazaviy hisoblash miqdorining o'ttiz baravaridan ellik baravarigacha miqdorda jarima solishga sabab bo'ladi.