210¹-modda. O'ta muhim va toifalangan ob'yektlarga kirish-chiqish rejimini buzish yoki ushbu ob'yektlarning qo'riqlanishini ta'minlashga doir majburiyatlarni bajarmaslik

O'ta muhim va toifalangan ob'yektlarga kirish-chiqish rejimini buzish, ya'ni tegishli ruxsatnomasiz o'ta muhim va toifalangan ob'yektlarga shaxsning o'zboshimchalik bilan kirishi, ushbu ob'yektlarda transport vositalarining harakatlanishi yoki mol-mulkning joyini o'zgartirish, — fuqarolarga bazaviy hisoblash miqdorining bir baravaridan uch baravarigacha, mansabdor shaxslarga esa — uch baravaridan besh baravarigacha miqdorda jarima solishga sabab bo'ladi. O'ta muhim va toifalangan ob'yektlarning qo'riqlanishini ta'minlashga doir majburiyatlarni korxonalar, muassasalar va tashkilotlarning ularni bajarishga mas'ul bo'lgan mansabdor shaxslari tomonidan bajarilmasligi, — bazaviy hisoblash miqdorining o'n besh baravaridan o'ttiz baravarigacha miqdorda jarima solishga yoki o'n besh sutkagacha ma'muriy qamoqqa olishga sabab bo'ladi.