Murabbiylik deganda xodimlarni qayta tayyorlash yoki ularning malakasini oshirish turlari tushunilib, bunda tashkilotning eng tajribali xodimlari (murabbiylar) muayyan bir mehnat vazifasini amalga oshirish uchun zarur bo'lgan bilimlar, ko'nikmalar va malakalarni tajribasi kamroq bo'lgan xodimlarga rejali ravishda yetkazishni ta'minlaydi.
Murabbiylik tashkilot xodimlari o'rtasida amalga oshiriladi va ish beruvchining buyrug'i bilan rasmiylashtiriladi.
Mehnat shartnomasiga doir qo'shimcha kelishuv yoki murabbiy bilan tuzilgan mehnat shartnomasi, agar unga avvalboshdanoq murabbiylik qilish to'g'risidagi tegishli shartlar kiritilgan bo'lsa, murabbiylikni amalga oshirish to'g'risida buyruq chiqarish uchun asos bo'ladi. Murabbiylik qilish to'g'risidagi tegishli shartlar deganda murabbiyning kamroq tajribaga ega bo'lgan xodimni o'qitish uchun sarflaydigan ish vaqti, murabbiylik vazifalarini bajarganlik uchun to'lanadigan haq miqdori va ushbu Kodeksga, jamoa kelishuvlariga, mehnat huquqi normalarini o'z ichiga olgan ichki va boshqa hujjatlarga zid bo'lmagan o'zga shartlar tushuniladi.
Murabbiylikni amalga oshirish davrida murabbiy kamroq tajribaga ega bo'lgan xodimning bevosita rahbari hisoblanadi hamda undan mehnat vazifasini lozim darajada bajarishni va mehnat intizomiga rioya etishni talab qilishga haqli.
Murabbiy tayinlangan taqdirda, kamroq tajribaga ega bo'lgan xodimning mehnat shartnomasida mazkur shart haqida tegishli belgi qo'yiladi.
Murabbiylikni amalga oshirish tartibi mehnat to'g'risidagi qonunchilikda va mehnat haqidagi boshqa huquqiy hujjatlarda, mehnat shartnomasida belgilanadi.
lex.uz’dagi asl matn368-modda. Murabbiylik
Oddiy tilda
NIMANI ANGLATADI
Murabbiylik — tajribali xodim (murabbiy) yangi yoki kamroq tajribaga ega bo'lgan xodimga ish ko'nikmasini va bilimlarini to'g'ri o'rgatish jarayoni. Bu tashkilotda ish beruvchining buyrug'i bilan rasmiy ravishda amalga oshiriladi va mehnat shartnomasiga kiritiladi.
KIMGA TEGISHLI
Murabbiylik tashkilot xodimlari o'rtasida amalga oshiriladi va ish beruvchi uni rasmiylashtiradi.
AMALDA
Masalan, zavod direktori yangi ishchi Alisher uchun tajribali ustasi Qo'qonboyni murabbiy tayinlaydi. Qo'qonboyning ish vaqtining bir qismi Alisherni o'qitishga sarflanadi va bu ish uchun unga qo'shimcha haq to'lanadi. Mehnat shartnomasida murabbiylik shartlari ko'rsatiladi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.