O'z faoliyatini tugatgan ikki yoki bir necha jamiyatning barcha huquqlari va majburiyatlarini o'tkazish yo'li bilan yangi jamiyatni tashkil etish jamiyatlarning qo'shib yuborilishi deb e'tirof etiladi.
Qo'shib yuborish shaklidagi qayta tashkil etishda ishtirok etuvchi har bir jamiyat ishtirokchilarining umumiy yig'ilishi ana shunday qayta tashkil etish to'g'risida, qo'shib yuborish shartnomasini va qo'shib yuborish natijasida tuzilayotgan jamiyatning ustavini tasdiqlash haqida, shuningdek topshirish dalolatnomasini tasdiqlash to'g'risida qarorlar qabul qiladi.
Qo'shib yuborish natijasida tashkil etilayotgan jamiyatning barcha ishtirokchilari tomonidan imzolangan qo'shib yuborish to'g'risidagi shartnoma ustav bilan birgalikda uning ta'sis hujjati hisoblanadi hamda u O'zbekiston Respublikasining Fuqarolik kodeksi va ushbu Qonun bilan ta'sis shartnomasiga qo'yiladigan barcha talablarga mos bo'lishi kerak.
Qo'shib yuborish shaklida qayta tashkil etishda ishtirok etuvchi har bir jamiyat ishtirokchilarining umumiy yig'ilishi tomonidan shunday qayta tashkil etish haqida va qo'shib yuborish to'g'risidagi shartnomani, qo'shib yuborish natijasida tashkil etilayotgan jamiyatning ustavini va topshirish dalolatnomasini tasdiqlash haqida qaror qabul qilingan taqdirda, qo'shib yuborish natijasida tashkil etilayotgan jamiyatning ijro etuvchi organlarini saylash qo'shib yuborishda ishtirok etayotgan jamiyatlar ishtirokchilarining qo'shma umumiy yig'ilishida amalga oshiriladi. Bunday umumiy yig'ilishni o'tkazish muddatlari va tartibi qo'shib yuborish to'g'risidagi shartnomada belgilanadi.
Jamiyatlar qo'shib yuborilganda ulardan har birining barcha huquqlari va majburiyatlari, bu topshirish dalolatnomalarida ko'rsatilganidan yoki ko'rsatilmaganligidan qat'i nazar, qo'shib yuborish natijasida tashkil etilgan jamiyatga o'tadi.
lex.uz’dagi asl matn«Mas'uliyati cheklangan jamiyatlar to'g'risida»gi qonun
61-modda. Jamiyatlarni qo'shib yuborish
Oddiy tilda
Nimani anglatadi
Ikki yoki bir necha jamiyat o'z faoliyatini tugatib, ularning barcha huquq va majburiyatlarini yangi jamiyatga o'tkazish orqali birlashishi jamiyatlarni qo'shib yuborish deyiladi. Bu jarayonda eski jamiyatlar yo'qoladi, ularning o'rniga yangi jamiyat paydo bo'ladi.
Kimga tegishli
Ushbu qoida mas'uliyati cheklangan jamiyatlar uchun qo'llaniladi.
Amalda
Masalan, ikkita kichik savdo jamiyati birlashmoqchi bo'lsa, ularning har birining ishtirokchilari alohida-alohida yig'ilishda qaror qabul qiladi, keyin birgalikda yangi jamiyatning ustavini tasdiqlaydi. Eski jamiyatlarning qarzlari va mulki yangi jamiyatga o'tadi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.