407⁵-modda. Kassatsiya shikoyatini (protestini) ish yuritishga qabul qilish

Ushbu Kodeksda belgilangan shakl va mazmun talablariga rioya qilingan holda berilgan kassatsiya shikoyati (protesti) kassatsiya instantsiyasi sudining ish yurituviga qabul qilinadi. Kassatsiya shikoyatini (protestini) ish yuritishga qabul qilish to'g'risidagi ajrimda kassatsiya shikoyatini (protestini) ko'rib chiqish uchun sud majlisini o'tkazish vaqti va joyi ko'rsatiladi. Kassatsiya shikoyati (protesti) bergan shaxs, shuningdek ishda ishtirok etuvchi shaxslar ishni kassatsiya instantsiyasida ko'rish vaqti va joyi haqida xabardor qilinadi. Ish muhokamasining vaqti va joyi to'g'risida belgilangan tartibda xabardor qilingan shaxslarning kelmaganligi ishning kassatsiya tartibida ko'rilishiga to'sqinlik qilmaydi.