I3-9-band. 1-bob. Umumiy qoidalar — I3-9-band

Chet el fuqarolari va fuqaroligi bo'lmagan shaxslarning doimiy yashashga ruxsatnoma olish uchun hujjatlarini ko'rib chiqqanlik va rasmiylashtirilganlik hamda doimiy ro'yxatga olganlik «Davlat boji to'g'risida»gi uchun O'zbekiston Respublikasi Qonuniga muvofiq Davlat bojlari stavkalarida belgilangan miqdorda davlat boji undiriladi. Doimiy yashashga ruxsatnoma olish uchun hujjatlarni ko'rib chiqqanlik va rasmiylashtirilganlik uchun davlat boji summasi quyidagi tartibda taqsimlanadi: 8 foizi — O'zbekiston Respublikasi Ichki ishlar vazirligining byudjetdan tashqari jamg'armasiga yo'naltiriladi; 92 foizi — O'zbekiston Respublikasining Davlat byudjeti hisobiga o'tkaziladi. Doimiy ro'yxatga olganlik uchun davlat boji summasi quyidagi tartibda taqsimlanadi: 10 foizi — O'zbekiston Respublikasi Ichki ishlar vazirligining byudjetdan tashqari jamg'armasiga yo'naltiriladi; 90 foizi — O'zbekiston Respublikasining Davlat byudjeti hisobiga o'tkaziladi. «Faxriy fuqaro» maqomi berilgan chet el fuqarolari va fuqaroligi bo'lmagan shaxslarga, shuningdek, ularning oila a'zolariga (eri, xotini va voyaga yetmagan farzandlariga) doimiy yashashga ruxsatnoma olish uchun hujjatlarni ko'rib chiqqanlik va rasmiylashtirilganlik hamda doimiy ro'yxatga olganlik uchun davlat boji undirilmaydi.